Orxan Cabbarov: “Tullantılardan ildə 200 mln. kVt/saatdan çox elektrik enerjisi əldə olunur” MÜSAHİBƏ

Böyük şəhərlərdə tullantıların idarə olunması artıq təkcə ekoloji məsələ deyil, bu, eyni zamanda, iqtisadi və sosial əhəmiyyət daşıyan bir sahədir. Bakı şəhərində bu prosesin mərkəzində dayanan “Təmiz Şəhər” ASC tullantıların toplanması, zərərsizləşdirilməsi və təkrar emalı istiqamətində kompleks fəaliyyət həyata keçirir. Müasir texnologiyalar təkcə tullantıları yox etmir, onlara ikinci həyat verərək iqtisadi dəyər yaradır.

Bəs Azərbaycanda təkrar emal nəticəsində hansı yeni məhsullar istehsal olunur? Bu sahə sahibkarlar üçün nə dərəcədə gəlirlidir və hansı üstünlüklər mövcuddur? “vergiler.az” bu sualları “Təmiz Şəhər” ASC-nin İctimaiyyətlə əlaqələr şöbəsinin müdiri Orxan Cabbarova ünvanlayıb. 

Fərhad Qaraşov: "Körfəz ölkələri, Avropa və Çin nar ixracı üçün perspektivli istiqamətlərdir" MÜSAHİBƏ

Azərbaycanın qeyri-neft sektorunun dayanıqlı inkişafında aqrar sahə mühüm rol oynayır. Bu sırada narçılıq həm iqtisadi, həm də ixrac potensialına görə xüsusi strateji əhəmiyyətə malikdir. “Meyvələrin şahı” kimi tanınan Azərbaycan narının beynəlxalq bazarlarda mövqeyinin möhkəmləndirilməsi, istehsal həcminin artırılması və brend dəyərinin yüksəldilməsi hazırda prioritet məsələlər sırasındadır. Nar istehsalı və ixracında mövcud vəziyyət, yeni hədəf bazarları, eləcə də fermerlərin qarşılaşdıqları əsas problemlərlə bağlı suallarımızı “Azərbaycan Nar İstehsalçıları və İxracatçıları Assosiasiyası” İctimai Birliyinin İdarə Heyətinin sədri Fərhad Qaraşov cavablandırıb.

Valeh Ələsgərov: "Zəngəzur və Şimal–Cənub dəhlizləri Azad Zonanın ixrac imkanlarını genişləndirir" MÜSAHİBƏ

Dünyanın logistika xəritəsinin yeniləndiyi bir vaxtda Azərbaycan əlverişli coğrafi mövqeyindən yararlanaraq bu prosesin mərkəzi habı olmağa iddialıdır. Ələt Azad İqtisadi Zonası bu iddianın ən konkret nümunəsidir. Ölkənin uzunmüddətli iqtisadi inkişaf strategiyasında xüsusi yer tutan Azad Zona qeyri-neft ixracının genişləndirilməsi, yeni investisiyaların cəlbi baxımından mühüm rol oynayır. Bəs Zəngəzur dəhlizinin açılması və Azad Zonada tikilən yeni hava limanı regionun iqtisadi mənzərəsini necə dəyişəcək? Bu nəhəng layihə xarici investorlara hansı unikal imtiyazları vəd edir? Mövzu ilə bağlı “vergiler.az”ın suallarını Ələt Azad İqtisadi Zonasının Səlahiyyətli Qurumunun İdarə Heyətinin sədri Valeh Ələsgərov cavablandırıb. 

Məsud Alısoy: “Peşəkar komanda və strateji baxış investisiya qərarlarını müəyyən edir” MÜSAHİBƏ

Son illər Azərbaycanın innovasiya və startap ekosistemi sürətlə inkişaf edir. Vençur kapital fondları yalnız maliyyə dəstəyi göstərmir, həm də regional innovasiya mühitinin formalaşmasında strateji rol oynayır. Belə nümunələrdən biri də SABAH.fund-dur. SABAH.fund SABAH.HUB İnnovasiya Mərkəzi tərəfindən yaradılıb və hazırda Azərbaycanda ən böyük vençur kapital fondlarından biridir. Fond son olaraq işə qəbul (HR) proseslərini süni intellektlə avtomatlaşdıran “Helio AI” startapının 1 milyon ABŞ dolları dəyərində toxum investisiya raundunu uğurla başa çatdırıb. Fondun idarəetmə komandasının üzvü və investisiyalar üzrə aparıcı məsləhətçisi Məsud Alısoy “vergiler.az”a niyə məhz bu startapa investisiya etdiklərini açıqlayıb və fondun fokuslandığı sahələr barədə danışıb.

Əvəz Quliyev: “Yumşaq keçid sayəsində aparılmış islahatın nəticələri qorunub saxlanılacaq” MÜSAHİBƏ

Vergi Məcəlləsində edilən dəyişikliklər artıq qüvvəyə minib və bu dəyişikliklər təkcə vergi dərəcələrini deyil, bütövlükdə dövlətin vergi siyasətinə baxışını ortaya qoyur. Bəs güzəştlər niyə verilir? Hansı mərhələdə davam etdirilir və nə zaman ləğv olunur? Bu qərarların arxasında hansı iqtisadi hədəflər dayanır? Bu və digər suallara İqtisadiyyat Nazirliyi yanında Dövlət Vergi Xidmətinin Vergi siyasəti baş idarəsinin rəis müavini Əvəz Quliyev “İqtisadi zona” proqramında aydınlıq gətirib.

Gülminə Məlikzadə: “Azərbaycan Bacarıqlar Akseleratoru” ixtisaslaşmış kadrların hazırlanmasını hədəfləyir”

İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin (4SİM) Dünya İqtisadi Forumu (DİF) ilə əməkdaşlıq çərçivəsində həyata keçirdiyi “Azərbaycan Bacarıqlar Akseleratoru” proqramı ölkənin əmək bazarında mövcud və gələcək bacarıq tələblərini müəyyənləşdirməyə, eyni zamanda bu sahədə cari boşluqları aradan qaldırmağa yönəlib. 4SİM-in Layihələrin idarəolunması şöbəsinin rəhbəri Gülminə Məlikzadə “vergiler.az”a müsahibəsində proqramın əsas hədəfləri, tətbiq olunan yanaşmalar və gözləntilərdən danışıb. 

Ləman İbrahimova: “ASAN AI Hub süni intellekti ideyadan real iqtisadi dəyərə çevirən platformadır” MÜSAHİBƏ

Artıq süni intellekt yalnız texnoloji yenilik deyil, iqtisadiyyatın işləmə mexanizmini dəyişən əsas alətlərdən birinə çevrilməkdədir. Rəqəmsal həllərin sürətlə yayıldığı bir dövrdə dövlət, biznes və elmi mühit arasında qurulan süni intellekt əsaslı platformalar ölkələrin iqtisadi rəqabət qabiliyyətinin formalaşmasına bilavasitə təsir edir. Bu istiqamətdə yaradılmış ASAN Süni İntellekt platforması (ASAN AI Hub) süni intellekt ekosisteminin mərkəzində dayanaraq innovasiya, tədqiqat və real tətbiqlər arasında körpü rolunu oynayır. 

ASAN AI Hub-ın ekosistemdə hansı real dəyişikliklərə səbəb olacağı, süni intellektin iqtisadiyyat üçün yaratdığı konkret dəyər və platformanın ölkənin elmi-tədqiqat mühitinə hansı töhfələr verəcəyi ilə bağlı “vergiler.az”ın suallarını ASAN AI Hub-ın rəhbəri Ləman İbrahimova cavablandırıb.

“Düzgün kommunikasiyanın arxasında real iş və sistemli fəaliyyət dayanır” MÜSAHİBƏ

İqtisadiyyat Nazirliyi yanında Dövlət Vergi Xidməti (DVX) 2025-ci ilin yekunlarına görə “Netty” İnternet Mükafatına layiq görülüb. Qurumun “Facebook” sosial şəbəkəsindəki rəsmi səhifəsi “Elektron hökumət və rəqəmsallaşma” kateqoriyası üzrə “Sosial kanallar və səhifələr” nominasiyasında qalib gəlib. 

Bu uğur DVX-nin rəqəmsal kommunikasiya sahəsində sistemli və məqsədyönlü fəaliyyətinin göstəricisi kimi dəyərləndirilir. DVX-nin Media və kommunikasiya idarəsinin İctimaiyyətlə əlaqələr şöbəsinin rəisi Arif Ələkbər “Netty” mükafatının əhəmiyyəti və komandanın işi ilə bağlı “vergiler.az”a danışıb. 

Seymur Eyvazlı: “Vətəndaşlar kart məlumatlarını paylaşmamalıdırlar” MÜSAHİBƏ

Azərbaycan Mərkəzi Bankının açıqladığı ən son statistikaya əsasən, 2025-ci ilin I yarısında ödəniş kartları ilə baş verən fırıldaqçılıq əməliyyatlarının həcmi 1 milyon 391 min manat olub. Bunun 775 min manatı ölkədaxili, 616 min manatı isə ölkəxarici fırıldaqçılıq əməliyyatlarının payına düşüb.  Statistikadan məlum olur ki, bu ilin I rübünə nisbətən II rübdə kartlarla ölkədaxili fırıldaqçılıq əməliyyatlarının həcmi 20,2% azalaraq 344,083 min manat təşkil edib. Əksinə, II rübdə  kartlarla ölkəxarici fırıldaqçılıq əməliyyatlarının həcmi 2,3 dəfə artıb və 430,104 min manat olub. Bu artıma təsir edən amillər və vətəndaşların kiberhücumlardan qorunmaq yolları ilə bağlı “vergiler.az”ın suallarını Azərbaycan Banklar Assosiasiyasının "Rəqəmsal ödənişlər sahəsində fırıldaqçılıq əməliyyatlarına qarşı mübarizə" Ekspert Qrupunun üzvü Seymur Eyvazlı cavablandırıb:

Elməddin Quluyev: “Mənşə sertifikatının elektronlaşdırılması prosesləri xeyli sürətləndirir” MÜSAHİBƏ

Müasir qlobal ticarətdə məhsulun istehsal yerinin dəqiq göstərilməsi zəruri şərtə çevrilib və bu, mənşə sertifikatının rolunu ön plana çıxarır. Sahibkarlar məhsullarını ixrac etmək üçün onun hansı ölkədə istehsal olunduğunu hüquqi cəhətdən sübut etmək məcburiyyətindədirlər. Bu sənəd ticarət tərəfdaşlarının etimadını möhkəmləndirir, logistik prosesləri sürətləndirir və biznesin rəqabət qabiliyyətini artırır. Bir sözlə, mənşə sertifikatı həm hüquqi baxımdan, həm də əməliyyat aspektindən beynəlxalq ticarətin əsas sütunlarından biri hesab olunur. “vergiler.az”ın mənşə sertifikatının sahibkarlara təqdim etdiyi imkanlar və sənədin alınması prosesində tətbiq edilən innovativ yeniliklərlə bağlı suallarını Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin Standartlaşdırma, texniki tənzimləmə və sertifikatlaşdırma şöbəsinin müdiri Elməddin Quluyev cavablandırıb.

Elnur Bədəlov: “Yerli istehsal kabellərimiz kritik obyektlər üçün etibarlı seçimdir” MÜSAHİBƏ

Son illər Azərbaycanda sənaye artımının sürətlənməsi yerli istehsalın yeni inkişaf mərhələsinə qədəm qoyduğunu göstərir. Keyfiyyətin yüksəlməsi, məhsul çeşidlərinin artması, idxaldan asılılığın azalması iqtisadi mühitdə daha rəqabətli struktur formalaşdırır. Daxili tələbatın böyük hissəsinin yerli istehsal hesabına ödənilməsi də prosesin dayanıqlığını göstərir. 

Azərbaycanda kabel istehsalı ilə məşğul olan “Caspian Cable Systems” MMC də ölkənin dəyişən sənaye mənzərəsinin fəal iştirakçılarındandır. Şirkətin rəhbəri Elnur Bədəlov “vergiler.az”ın əməkdaşı ilə söhbət zamanı yerli istehsalın hazırkı vəziyyəti, keyfiyyətin yüksəldilməsinə yönəldilmiş tədbirlər və məhsul çeşidinin artırılması istiqamətində planlaşdırılan addımlardan bəhs edib. 

Nicat İmanov: "Vergi qanunvericiliyinə dəyişikliklər sahibkarlıq mühitinin yaxşılaşdırılmasına xidmət edir" MÜSAHİBƏ

Vergi Məcəlləsinə növbəti dəyişikliklər paketi artıq Milli Məclisin müzakirəsindədir. Bu dəfə təqdim olunan paketdə əməkhaqqı gəlirləri üzrə yeni vergi mexanizminin tətbiqi, elektro və hibrid avtomobillərinin ƏDV-yə cəlb olunması, neft və qaz hasilatına sabit mədən vergisinin gətirilməsi, eləcə də benzin, dizel və maye qaz üzrə yol vergilərinin artırılması diqqət çəkən əsas istiqamətlərdəndir.

Yeni dəyişikliklər paketi, eyni zamanda, vergi yükünün optimallaşdırılması, rəqəmsal inzibatçılığın genişləndirilməsi, investisiya fəaliyyətinin stimullaşdırılması və fiskal dayanıqlığın gücləndirilməsi kimi hədəfləri özündə birləşdirir. Dəyişikliklər paketi biznes mühiti, ekspertlərlə yanaşı geniş ictimaiyyətin də diqqət mərkəzindədir.

Bu dəyişikliklərin iqtisadi əsaslarını, gözlənilən təsirlərini və sahibkarlıq mühitinə gətirəcəyi yenilikləri aydınlaşdırmaq məqsədilə “APA-Economics” İqtisadiyyat Nazirliyi yanında Dövlət Vergi Xidmətinin (DVX) Vergi siyasəti baş idarəsinin rəisi Nicat İmanovdan müsahibə alıb:

Zaur Salmanlı: “Yeni strategiya yerli balıq istehsalını artıracaq” MÜSAHİBƏ

Son illərdə Azərbaycanda balıqçılıq və akvakultura sektorunun inkişafı nəzərəçarpacaq dərəcədə ön plana çıxıb və dövlət səviyyəsində ardıcıl institusional strukturlaşma addımları ilə müşayiət olunur. Ölkədə Balıqçılıq və Akvakultura Mərkəzinin yaradılması sektorda idarəetmənin təkmilləşdirilməsi və istehsal proseslərinin daha sistemli əsasda qurulması baxımından mühüm addımdır. Bununla yanaşı, yeni süni balıqyetişdirmə təsərrüfatlarının yaranması, bəzi müəssisələrdə müasir texnologiyaların tətbiqi və daxili bazarda yerli balıq növlərinə olan tələbatın yüksək olması bu sahədə inkişaf meyillərinin mövcudluğunu göstərir. Lakin su hövzələrinin balıqyetişdirmə potensialından tam istifadə edilməməsi, bazarda idxal olunan məhsullara geniş rast gəlinməsi kimi çətinliklər hələ də qalmaqdadır. Məhz bu reallıqlar fonunda istehsalçıların koordinasiyası və problemlərin vahid platformada səsləndirilməsi baxımından “Balıq İstehsalçıları və Emalçıları Assosiasiyası” (ABİEA)  İctimai Birliyinin rolu diqqət çəkir. Bu sahədə həm imkanlar, həm də cavabını gözləyən bir sıra suallar meydana çıxır. Sektorun real vəziyyətini və institusional yeniliklərin təsirini daha dərindən anlamaq üçün “vergiler.az” ABİEA-nın sədri Zaur Salmanlı ilə həmsöhbət olub. 

Kurmanbek İsmanaliyev: “Qarşılıqlı əməkdaşlıq türk dövlətlərinin davamlı iqtisadi inkişafına töhfə verir” MÜSAHİBƏ

Türk Dövlətləri Təşkilatına üzv olan ölkələrin iqtisadi əlaqələrinin genişlənməsi maliyyə sektorunda təcrübə mübadiləsini və əməkdaşlığı labüd edir. Bunun fonunda maliyyə və mühasibat uçotu sahəsində beynəlxalq təcrübəyə əsaslanan vahid sistemlərin qurulması ilə bağlı təkliflər də səslənir. Bakıda keçirilən “Maliyyə, mühasibatlıq, audit və rəqəmsallaşma” adlı I Beynəlxalq Simpoziumda da əsas müzakirə mövzularından biri bu olub. Tədbirdə iştirak edən Qırğızıstanın Oş Dövlət Universitetinin dosenti, iqtisad elmləri doktoru Kurmanbek İsmanaliyev bu sahədə ölkəsində həyata keçirilən işlərlə bağlı “vergiler.az”ın suallarını cavablandırıb.

Elnur İslamov: “Azərbaycan artıq françayzinq idxal edən deyil, ixrac edən ölkəyə çevrilir” MÜSAHİBƏ

Müasir iqtisadiyyatlarda françayzinq sistemi sahibkarlığın genişlənməsi və brendlərin xarici bazarlara çıxışı baxımından strateji alətə çevrilib. Qlobal trendləri nəzərə alaraq, Azərbaycan üzərindən məsələyə baxdıqda, bu model ölkənin qeyri-neft ixracının və xidmət sektorunun rəqabət qabiliyyətinin artırılması üçün effektiv bir mexanizmdir. 

Azərbaycanda françayzinq hələ gənc, lakin dinamik inkişaf mərhələsindədir. Son illərdə yerli sahibkarların brendləşmə meyilləri, dövlətin KOB sektoruna verdiyi dəstək və rəqəmsal iqtisadiyyatın genişlənməsi bu sahəyə yeni impuls verib. Xüsusilə 2024-cü ildən start götürən Milli Françayzinq Dəstək Proqramı (MFDP) milli brendlərin sistemləşdirilməsi, yerli məhsulların xarici bazarlara çıxışının asanlaşdırılması istiqamətində mühüm mərhələ hesab olunur. 

Azərbaycan Françayzinq Mərkəzinin rəhbəri və MFDP-nin təşəbbüskarı Elnur İslamov françayzinqin ölkə iqtisadiyyatında tutduğu yer, potensial inkişaf istiqamətləri, qanunvericilik və maliyyə mexanizmlərinin formalaşdırılması, eləcə də süni intellekt və e-kommersiyanın bu sahəyə təsirləri barədə “vergiler.az”ın suallarını cavablandırıb.