Vergiler.az

Yanvar ayı ərzində vergi ödəyicilərinin 2,9 minə yaxın yazılı müraciəti cavablandırılıb, onlara 6,4 milyondan çox məlumatlandırma xarakterli müxtəlif növ bildiriş göndərilib. Həmin dövr ərzində 691 vergi ödəyicisinin iştirakı ilə 40 görüş keçirilib, 494 vergi ödəyicisinə ünvanlı xidmət göstərilib. Vergi ödəyicilərinin preventiv məlumatlandırılması məqsədilə onların mobil nömrələrinə 243 mindən artıq SMS göndərilib.

2026-cı ilin yanvar ayı ərzində vergi ödəyicilərinə xidmət mərkəzlərində ümumilikdə 62.331 müraciət qəbul edilib. Həmin müraciətlər üzrə 106.239 sayda xidmət göstərilib.

2026-cı ilin fevral ayının 1-nə respublika üzrə uçotda olan 1.682.901 vergi ödəyicisinin 86,8 faizi fiziki şəxslər, 13,2 faizi hüquqi şəxs və digər təşkilatlar olub. Cari ilin əvvəli ilə müqayisədə vergi ödəyicilərinin ümumi sayı 4,9 faiz, o cümlədən fiziki şəxslərin sayı 4,6 faiz, hüquqi şəxslərin sayı 6,4 faiz artıb.

1 fevral 2026-cı il tarixinə aktiv vergi ödəyicilərinin sayı ilin əvvəli ilə müqayisədə 0,2 faiz artaraq 861.488, aktiv ƏDV ödəyicilərinin sayı isə 1 faiz artaraq 58.985 təşkil edib. Həmin tarixə aktiv təsərrüfat subyektlərinin (obyektlərinin) sayı 0,6 faiz artıb və 234.098 min olub.

2026-cı ilin yanvar ayında yeni nəsil NKA-lar vasitəsilə qeydə alınan dövriyyə 2 milyard 294,7 milyon manat olub ki, bu da 2025-ci ilin müvafiq dövrü ilə müqayisədə 268,8 milyon manat, yaxud 13,3 faiz çoxdur.

2026-cı ilin yanvar ayı ərzində yaşayış və qeyri-yaşayış sahələrinin nağdsız qaydada alışı zamanı ödənilmiş ƏDV-nin müvəkkil banklar tərəfindən qaytarılmış həcmi 3 milyon 376,0 min manat təşkil edib.