Oqtay Yaqubov: “Yaşıl iqtisadiyyatın stimullaşdırılmasında vergi siyasətinin rolu böyükdür” MÜSAHİBƏ

Bu yaxınlarda Bakıda Karbon Qiymətqoyma üzrə Beynəlxalq Forum keçirilib. Avropadaxili Vergi Administrasiyaları Təşkilatı (IOTA) və İqtisadiyyat Nazirliyi yanında Dövlət Vergi Xidmətinin birgə təşkilatçılığı ilə keçirilən tədbirdə karbon qiymətlərinin müəyyənləşdirilməsi mexanizmləri, onların tətbiqi ilə bağlı beynəlxalq təcrübə və yeni yanaşmalar müzakirə olunub. İqtisadiyyat Nazirliyi yanında Dövlət Vergi Xidmətinin Vergi siyasəti Baş idarəsi rəisinin müavini Oqtay Yaqubov “İqtisadi zona” proqramına müsahibəsində karbon qiymətqoyma alətləri və bu sahədə tətbiq olunan beynəlxalq trendləri açıqlayıb.

Fariz Cəfərov: “Blokçeyn texnologiyasının tətbiqi nəticəsində biznes prosesləri daha effektiv olacaq”

Xəbər verdiyimiz kimi, İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzi (4SİM) Binance Investments Co. Ltd. (“Binance”) şirkəti ilə Anlaşma Memorandumu imzalayıb. Bu əməkdaşlıq tədris proqramlarının hazırlanması, sənaye mütəxəssislərinin mühazirələri və müəllimlər üçün birgə seminarların təşkili kimi fəaliyyətləri əhatə edir. Bundan əlavə, Binance Academy blokçeyn, NFT və metavers kimi mövzuları əhatə edən akkreditə olunmuş onlayn kurslar təklif edəcək. “vergiler.az”ın bu əməkdaşlığın detalları və iqtisadiyyata təsirlərinə dair suallarını 4SİM-in icraçı direktoru Fariz Cəfərov cavablandırıb:

İsmayıl Orucov: “Çalışırıq ki, Avropa bazarında fındıq satışını artıraq” MÜSAHİBƏ

Azərbaycan fındıq istehsalı və ixracına görə dünyanın öndə gedən ölkələrindən biridir. 2024-cü ilin yanvar-iyul aylarında ölkəmiz dəyəri 54 milyon dollardan çox olan 8 844 ton meşə fındığı ixrac edib ki, bu da ümumi ixracın 0,34, qeyri-neft sektoru üzrə ixracın isə təxminən 2,91 faizini təşkil edir.

Azərbaycan Fındıq İstehsalçıları və İxracatçıları Assosiasiyasının sədri İsmayıl Orucov fındıq istehsalı və ixracı ilə bağlı son vəziyyət barədə “vergiler.az”ın suallarını cavablandırıb.

Valentina Şabert: “Azərbaycanın İtaliyanın neft və qaz bazarında mövqeyi daha da güclənə bilər” MÜSAHİBƏ

İtaliya Azərbaycanın Avropa İttifaqında (Aİ) əsas iqtisadi-ticarət tərəfdaşıdır. Ötən il iki ölkə arasında ticarət dövriyyəsi 16 milyard dollar təşkil edib və təkcə enerji sənayesində deyil, digər sahələrdə də artım potensialı var.  Azərbaycan Prezidenti İlham Əliyevin “Yeni geosiyasi şəraitdə Azərbaycanın rolu” adlı sessiyada çıxış etdiyi Beynəlxalq Cernobbio Forumunda (TEHA Forumu) iştirakı bir daha sübut etdi ki, yalnız müxtəlif ölkələr arasında açıq və dürüst dialoq onların xalqlarına konkret fayda gətirə bilər.

Mövzu ilə bağlı “vergiler.az”ın suallarına italiyalı ekspert və analitik Valentina Şabert cavab verir.
 

Cəlal Bazvan: “Əfqanıstanla Azərbaycan arasında ticarətdə əhəmiyyətli artım proqnozlaşdırırıq” MÜSAHİBƏ

“Azərbaycan və Əfqanıstanın iqtisadi, ticarət və investisiya əlaqələrinin inkişafı üçün böyük perspektivləri var. Qarşılıqlı investisiyaların artımı üçün xüsusilə infrastruktur, enerji, kənd təsərrüfatı və logistika sahələrində yüksək potensial mövcuddur”. 

Əfqan ekspert Cəlal Bazvan “vergiler.az”a müsahibəsində Azərbaycan-Əfqanıstan münasibətləri ilə bağlı bir sıra məqamlardan danışıb. 
 

Bağdad Amreyev: “Türk İnvestisiya Fondunun yaradılması iqtisadi əməkdaşlığı stimullaşdıracaq" MÜSAHİBƏ

“Astana Finance Days” (AFD) illik maliyyə konfransı zamanı beynəlxalq münasibətlər və diplomatiya sahəsindəki zəngin təcrübəsinə əsaslanan Türk İnvestisiya Fondunun prezidenti Bağdad Amreyev Türk dünyasının və planetimizin gələcəyi, inteqrasiya və inkişaf prosesində yeni investisiya fondunun əsas rolu ilə bağlı öz vizyonunu təqdim edib. Sürətlə dəyişən qlobal mənzərə kontekstində Türk İnvestisiya Fondu Türk dünyası ölkələrinin iqtisadi əməkdaşlığı və inkişafı üçün əsas alətə çevrilmək niyyətindədir.

Fondun prezidenti türk ölkələrinin inteqrasiyası və onların dünya miqyasında artan nüfuzu ilə bağlı iddialı planları açıqlayıb.

Eynar Tangen: “Azərbaycan investisiyalar üçün cəlbedici ölkədir” MÜSAHİBƏ

Azərbaycan ilə Çin arasında iqtisadi əməkdaşlıq getdikcə inkişaf edir. Ölkələrimiz arasında iqtisadi əməkdaşlıq Şanxay Əməkdaşlıq Təşkilatı (ŞƏT) çərçivəsində qarşılıqlı əlaqələr, Azərbaycan-Çin Hökumətlərarası Ticarət-İqtisadi Əməkdaşlıq Komissiyasının fəaliyyəti, Asiya İnfrastruktur İnvestisiya Bankı ilə birgə həyata keçirilən layihələr, Azərbaycanın “Bir kəmər, bir yol” təşəbbüsündə iştirakı, Şərq-Qərb və Orta Dəhliz layihələri çərçivəsində tərəfdaşlıq, eləcə də Çinin paytaxtı Pekində Azərbaycan Ticarət Evinin açılışı sayəsində daha da möhkəmlənib. 

Bundan əlavə, Çin şirkətləri Azərbaycanda bərpaolunan enerji mənbələrinin potensialından istifadə etmək üçün irimiqyaslı layihələrə maraq göstərirlər.

Mövzu ilə bağlı “vergilər.az”ın suallarına Çin iqtisadiyyatı üzrə ekspert, Çin Qloballaşma Mərkəzinin baş elmi işçisi, “China Cities Bluebook Consulting” şirkətinin təsisçisi Eynar Tangen cavab verir.
 

Uluqbek Kamaletdinov: “Azərbaycan-Özbəkistan əməkdaşlığı regionun yüksəlişinə töhfə verəcək” MÜSAHİBƏ

Azərbaycan Prezidenti İlham Əliyevin Özbəkistana səfəri ölkələr arasında çoxşaxəli əməkdaşlıqda yeni mərhələdir. Qısa müddət ərzində iki ölkə hökumətlərin qarşılıqlı fəaliyyətini yeni səviyyəyə qaldırıb. İqtisadi əməkdaşlıq uğurla inkişaf edir. Mərkəzi Asiya-Azərbaycan-Avropa yaşıl dəhlizi layihəsi icra mərhələsindədir. Bundan əlavə, hər iki ölkə bərpaolunan enerji sahəsində yaxşı potensiala malikdir.

Mövzu ilə bağlı “vergilər.az”ın suallarına özbəkistanlı ekspert, iqtisadçı Uluqbek Kamaletdinov cavab verir.
 

Leyla Barxudarzadə: “Azərbaycanın investisiya cəlbediciliyinin yüksəldilməsi əsas hədəflərdəndir” MÜSAHİBƏ

Dünya Bankı Qrupunun “Business Ready” layihəsi üzrə Azərbaycanın reytinqini artırmaq Biznes mühiti və beynəlxalq reytinqlər üzrə Komissiyanın tərkibində fəaliyyət göstərən “Biznesə daxilolma” işçi qrupunun başlıca məqsədi kimi müəyyən edilib. Bu yaxınlarda ölkə başçısı "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanununa bir sıra dəyişiklikləri təsdiq edib. Yenilənmiş qanuna əsasən, yerli və xarici investisiyalı məhdud məsuliyyətli cəmiyyətlərin (MMC) elektron dövlət qeydiyyatı prosedurları eyniləşdirilib. “Biznesə daxilolma” işçi qrupunun üzvü, Ədliyyə Nazirliyinin Notariat, qeydiyyat və reyestr baş idarəsinin Nəzarət-analitik iş üzrə qrupunun rəhbəri Leyla Barxudarzadə Qanuna edilən dəyişiklərlə bağlı “vergiler.az”ın suallarını cavablandırıb.

Namiq Şalbuzov: “Türkdilli dövlətlərdə eyni brend altında istehsalın təşkili mümkündür” MÜSAHİBƏ

Türk Dövlətləri Təşkilatına (TDT) üzv və müşahidəçi ölkələr arasında ticarət əlaqələrinin daha da genişləndirilməsi məqsədilə yeni təşəbbüslərdən biri də kənd təsərrüfatı məhsullarının istehsalının vahid - “OTS Made” (TDT İstehsal) brendi altında təşkilidir.

Mövzu ilə bağlı “vergiler.az”ın suallarını Kənd Təsərrüfatı Nazirliyi yanında Aqrar Tədqiqatlar Mərkəzinin direktor müavini Namiq Şalbuzov cavablandırıb.

Fariz Cəfərov: “Azərbaycanda "Yeni Nəsil Texnologiyalar Mərkəzi"nin yaradılması nəzərdə tutulur” MÜSAHİBƏ

Süni intellektin yaratdığı imkanlar iqtisadiyyatda prosesləri avtomatlaşdırmağa imkan verməklə yanaşı, ölkələrin iqtisadiyyatının da inkişafını təmin edir. Süni intellekt texnologiyalarının tətbiqi zamanla biznes və müəssisələrin daha da böyüməsində mühüm rol oynayacaq.

Artıq bir çox dünya ölkələrində olduğu kimi, Azərbaycanda da süni intellekt müxtəlif bizneslərin idarəedilməsində tətbiq edilir. Müsbət məqam isə bu tendensiyanın getdikcə artması, süni intellektin imkanlarından istifadəyə olan marağın çoxalmasıdır.

Dördüncü Sənaye İnqilabının Təhlili və Koordinasiya Mərkəzinin (4SİM) icraçı direktoru Fariz Cəfərov süni intellektlə bağlı “vergiler.az”ın bəzi suallarını cavablandırıb.

Xamis Seyranov: “Hədəfimiz yeni və ən müasir ölçmə üsullarının tətbiqinə nail olmaqdır” MÜSAHİBƏ

Ölçmə vasitələrindən istifadə edən hər bir subyekt üçün metroloji xidmət olduqca vacibdir. Azərbaycan Metrologiya İnstitutunun (AzMİ) baş direktoru Xamis Seyranov “vergiler.az”a müsahibəsində metrologiya sahəsinin inkişaf tendensiyaları və bu istiqamətdə görülən işlər barədə danışıb. 

Rüstəm Əliyev: “Yaşıl layihələr”in cəlbediciliyi artır” MÜSAHİBƏ

Dövlətin özəl biznesi dəstəkləmək üçün həyata keçirdiyi stimullaşdırıcı tədbirlər sahibkarları öz fəaliyyətlərini daha da genişləndirməyə, Qarabağın bərpası layihələrində iştiraka həvəsləndirir. İşğaldan azad edilmiş ərazilərdə iqtisadi aktivliyin bərpası və investisiya qoyuluşlarının sürətlənməsi məqsədilə Sahibkarlığın İnkişafı Fondu (SİF) tərəfindən bu bölgədə fəaliyyət göstərən sahibkarlar üçün zəmanət və subsidiya mexanizminin yaradılması isə bu stimulu daha da artırıb.

SİF-in Partnyorlarla iş şöbəsinin müdiri Rüstəm Əliyev sahibkarlara göstərilən dəstək, eləcə də işğaldan azad edilmiş ərazilərdə sahibkarlıq fəaliyyətinin stimullaşdırılması ilə bağlı görülən tədbirlərlə bağlı “vergiler.az”ın suallarını cavablandırıb.

Məhəmməd Nasar Həyat: “FAO azad edilmiş ərazilərdə "ağıllı kənd" konsepsiyasını sınaqdan keçirir” MÜSAHİBƏ

1995-ci il oktyabrın 20-dən Birləşmiş Millətlər Təşkilatının (BMT) Ərzaq və Kənd Təsərrüfatı Təşkilatına (FAO) üzv olan Azərbaycan BMT-nin bu ixtisaslaşmış qurumu ilə birgə milli, regional və qlobal səciyyəli müxtəlif layihələr həyata keçirir. Əsasən kənd təsərrüfatının inkişafı, ərzaq təhlükəsizliyinin gücləndirilməsi, potensialın artırılması, resursların idarə edilməsi, heyvan və bitki xəstəliklərinə qarşı mübarizə, təchizat və digər müvafiq sahələrdə texniki yardımları nəzərdə tutan layihələr Azərbaycan hökumətinin prioritetləşdirilmiş ehtiyaclarına dair müraciətlərinə uyğun olaraq, texniki əməkdaşlıq proqramlarına əsaslanır.

Mövzu ilə bağlı “vergiler.az”ın suallarını Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) Azərbaycandakı nümayəndəsi və FAO-nun Azərbaycandakı Tərəfdaşlıq və Əlaqələndirmə Ofisinin rəhbəri Məhəmməd Nasar Həyat cavablandırır.

Şadi Abozayid: “Azərbaycan və Misir yaşıl enerjini birgə təşviq edə bilərlər” MÜSAHİBƏ

Azərbaycan Prezidenti İlham Əliyevin iyunun əvvəlində Misirə rəsmi səfəri ikitərəfli münasibətlərin əhəmiyyətini təsdiq edən, əməkdaşlıq üçün yeni üfüqlər açan hadisə idi. Bu səfər mövcud əlaqələri möhkəmləndirməklə yanaşı, müxtəlif sahələrdə tərəfdaşlıq əlaqələrinin daha da inkişafı üçün möhkəm zəmin yaratdı. Yüksək səviyyəli görüşlər və danışıqlar Bakı ilə Qahirə arasında əməkdaşlığın dərinləşdirilməsinə yönəlmiş yeni təşəbbüslərin müzakirəsi və həyata keçirilməsi üçün təkan oldu.

Mövzu ilə bağlı "vergiler.az"ın suallarını misirli ekspert, Davamlı İnkişaf üçün Qlobal Strategiya İnstitutunun (GSISD) baş direktoru Şadi Abozayid cavablandırır.