Uçotumu kassa metodu ilə aparıram. İl ərzində 14.900 manatlıq mal daxil olub, həmin mallara görə 14.470 manat ödəniş edilib. Daxil olan malların hamısı satılıb. Satışın maya dəyəri olaraq gəlirdən çıxılan xərclərə hansı məbləğ aid edilməlidir?

Dövlət Vergi Xidmətindən bildirilib ki, vergi ödəyicisinin gəlir və xərclərinin uçotu kassa metodu ilə aparılarkən dəyəri ödənilməmiş, lakin təqdim edilmiş malların dəyəri gəlirdən çıxılmır. Vergi ödəyicisi həmin malların dəyərini yalnız bu malların dəyərinin malgöndərənə ödənildiyi hesabat dövründə gəlirdən çıxılan xərclərə aid edir.

Əsas: Vergi Məcəlləsinin 130-cu, 131-ci və 133-cü maddələri