19 Mart 2024

VERGİLƏR

SOSİAL-İQTİSADİ ONLAYN QƏZET

Naxçıvanda uçot məlumatlarının dürüstləşdirilməsinə başlanılıb

Naxçıvan Muxtar Respublikasının Dövlət Vergi Xidmətində tətbiq edilən yeni vergi inzibatçılığı çərçivəsində sahibkarlıq fəaliyyəti həyata keçirən vergi ödəyicilərinin uçot məlumatlarının dürüstləşdirilməsi prosesinə başlanılıb. Dövlət Xidmətindən “vergiler.az”a verilən məlumata görə, uçot məlumatlarının dürüstləşdirilməsi vergi orqanlarının nəzarət dairəsinə daxil olan ərazilərdə sahibkarlıq fəaliyyətinin müvəqqəti dayandırılması üçün müvafiq ərizə və ya vergiyə cəlb edilən əməliyyatların olmaması barədə arayış və ya bəyannamə təqdim edən vergi ödəyicilərində və bütün təsərrüfat subyektlərində (obyektlərində) həyata keçiriləcək: “Proses vergi əməkdaşlarının vergi ödəyicilərinin təsərrüfat subyektləri (obyektləri) olan ünvanlara getməklə fərdi müşahidələr, onların təqdim etdikləri məlumatlar və sorğular üzrə verdikləri cavablar əsasında reallaşdırılacaq. Bununla əlaqədar olaraq, bütün fəaliyyət göstərən və uçotda olan vergi ödəyicilərinin elektron poçt qutularına bildirişlər göndərilib, həmin bildirişlərdə qeyd edilən məqamlar öz əksini tapıb”.

Məlumata görə, dürüstləşdirilmə uçot məlumatlarında olan uyğunsuzluqların və müşahidə zamanı aşkar edilmiş kənarlaşmaların vergi ödəyicilərini və təsərrüfat subyektlərini yerində məlumatlandırmaqla könüllü olaraq aradan qaldırılmasına yardım məqsədi daşıyır. Vergi əməkdaşlarına vergi ödəyicilərinə qarşı xüsusi bir tədbir həyata keçirmək, yəni maliyyə sanksiyaları, cərimələr tətbiq etmək və digər məsuliyyət tədbirləri görmək səlahiyyətləri verilməyib.

Vergi ödəyicilərinin və təsərrüfat subyektlərinin (obyektlərinin) uçot məlumatlarının dürüstləşdirilməsi işlərinin 2023-cü il avqustun 1-dək başa çatdırılması nəzərdə tutulur.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb