18 May 2024

VERGİLƏR

SOSİAL-İQTİSADİ ONLAYN QƏZET

Dövlət Vergi Xidmətində Dünya Bankının nümayəndə heyəti ilə görüş keçirilib

Dünya Bankının mütəxəssislərinin daxil olduğu nümayəndə heyəti “Azərbaycanda vergi islahatları üzrə texniki yardım” mövzusunda icra edilən layihə çərçivəsində Bakıda səfərdədir. Bankın dövlət sektoru üzrə aparıcı mütəxəssisi Raul Feliks Xunkeranın başçılıq etdiyi nümayəndə heyətinin tərkibinə qurumun vergi orqanlarının elektron informasiya sistemləri üzrə məsləhətçisi Vladimir Kalderon, vergi məsələləri üzrə beynəlxalq məsləhətçilər Xalid El-Korek və Kristian Lukas daxildir.

Dövlət Vergi Xidmətindən "vergiler.az"a verilən məlumata görə, səfər çərçivəsində İqtisadiyyat Nazirliyi yanında Dövlət Vergi Xidmətində Dünya Bankının nümayəndə heyəti ilə görüş keçirilib. Görüşdə Dövlət Vergi Xidmətinin rəis müavinləri Samirə Musayeva və İlkin Vəliyev, həmçinin digər rəhbər vəzifəli şəxslər, Dünya Bankının nümayəndə heyəti və İsveçrənin Bakıdakı səfirliyinin nümayəndəsi iştirak ediblər.

Tədbirdə “Azərbaycanda vergi islahatları üzrə texniki yardım layihəsi” müzakirə edilib, habelə vergi islahatları ilə bağlı prioritetlər barədə fikir mübadiləsi aparılıb. Qeyd olunub ki, Dövlət Vergi Xidməti ilə Dünya Bankı arasında qeyd olunan layihə çərçivəsində 2018-ci ildən qurulmuş əməkdaşlıq hazırda uğurla davam etdirilir. Layihənin məqsədi vergi siyasəti və vergi inzibatçılığı sahəsində səmərəli islahatların aparılması istiqamətində Dövlət Vergi Xidmətinə dəstək göstərməkdən ibarətdir. İki mərhələdən ibarət olan texniki yardım İsveçrənin İqtisadi Məsələlər üzrə Dövlət Katibliyinin (SECO) maliyyə dəstəyi ilə həyata keçirilir. Birinci mərhələdə “Tax Diamond” platformasının “Vergi inzibatçılığının funksional qiymətləndirilməsi” modulu əsasında vergi inzibatçılığının 12 müxtəlif fəaliyyət istiqamətləri qiymətləndirilib. Qiymətləndirmə modulunun nəticəsi olaraq, beynəlxalq vergitutma sahəsində fəaliyyət planı təsdiq edilib.

Layihənin ikinci mərhələsində “Business Process Reengineering” platformasının “Biznes proseslərinin qiymətləndirilməsi” modulu çərçivəsində vergi ödəyicilərinin uçot-məlumat bazasının tamlığı, risklərin idarə olunması, “kölgə iqtisadiyyatı”nın azaldılması, vergi ödəyicilərinə göstərilən xidmətlər və vergi mübahisələrinin həlli istiqamətləri əhatə edilib. Bununla yanaşı, “Əsas İKT idarəçiliyinin qiymətləndirilməsi” layihəsinin icrasına başlanılıb və Dövlət Vergi Xidmətinin informasiya texnologiyaları sahəsi 14 meyar üzrə qiymətləndirilib. Hazırda “Əməletmə risklərinin idarə olunması” modulu çərçivəsində texniki yardım layihəsinin icrasına başlanılıb və uğurla davam etdirilməkdədir.
Qeyd edilib ki, Dünya Bankının həyata keçirdiyi bir sıra uğurlu layihələrin benefisiarı olan Dövlət Vergi Xidməti beynəlxalq əməkdaşlıq layihələrinə böyük əhəmiyyət verir və SECO-nun dəstəkləməkdə maraqlı olduğu sahələri və potensial layihələri müzakirə etməkdə maraqlıdır.
Görüşdə qarşılıqlı maraq doğuran məsələlər barədə fikir mübadiləsi aparılıb.

VergiHüquqi şəxsin ünvan dəyişikliyi VergiƏfqanıstan müharibəsi veteranının həyat yoldaşına vergi güzəşti tətbiq olunurmu? Vergiİpoteka ilə alınan daşınmaz əmlaka görə ƏDV-nin geri qaytarılması VergiRepetitorluq xidməti göstərən fiziki şəxs vergi uçotuna necə alınır? VergiXarici ölkədə ödənilmiş vergilər Azərbaycanda nəzərə alınırmı? VergiFiziki şəxsin vergi orqanında uçota alınması vaxtı VergiQeyri-sahibkarlıq fəaliyyətindən əldə edilmiş gəlirlər hansılardır? VergiHansı halda xaricdə əldə olunan gəlirlərə görə vergi öhdəliyi yaranmır? VergiXarici ölkədə gəlir əldə edən şəxs VÖEN almalıdırmı? VergiXaricdə əldə edilən gəlirlərin vergiyə cəlb olunması