6 Dekabr 2023

VERGİLƏR

SOSİAL-İQTİSADİ ONLAYN QƏZET

Dövlət Vergi Xidmətinin Yay Təcrübə Proqramına maraq yüksəkdir

İqtisadiyyat Nazirliyi yanında Dövlət Vergi Xidməti Yay Təcrübə Proqramı ilə bağlı ali təhsil müəssisələrində məlumatlandırıcı görüşləri davam etdirir. Növbəti görüşlər Bakıda yerləşən ali təhsil müəssisələrində keçirilib. Xidmətin rəhbər vəzifəli şəxsləri və əməkdaşları Bakı Dövlət Universiteti, ADA Universiteti və Azərbaycan Dövlət İqtisad Universitetində “Karyera Günləri” çərçivəsində tələbələrlə görüşüblər.

Görüşlərdə iştirak edən Dövlət Vergi Xidmətinin və Tədris Mərkəzinin rəhbər vəzifəli şəxsləri Yay Təcrübə Proqramının üstünlükləri, proqrama qatılmaq istəyən namizədlər üçün qoyulan tələblər, seçim mərhələləri ilə bağlı tələbələri məlumatlandırıblar. Qeyd olunub ki, Təcrübə Proqramı tələbələrin bilik və bacarıqlarının artırılması ilə yanaşı, onların gələcək karyera inkişafında faydalı platforma rolunu oynayacaq. Proqram gənclərə işin praktiki tərəfləri ilə tanış olmaq, yetərincə təcrübə toplamaq, gələcəkdə vergi orqanlarında çalışmaq üçün imkanlarının dəyərləndirilməsinə kömək edəcək.

Bildirilib ki, Yay Təcrübə Proqramı tələbələrin nəzəri biliklərini də artırmağı nəzərdə tutur. Onlar üçün Dövlət Vergi Xidmətinin Şamaxı rayonunda yerləşən Tədris Mərkəzində yay düşərgəsi, təlimlər və seminarlar təşkil olunacaq. Layihədə iştirak edən tələbələr 2 ay ərzində həm nəzəri, həm də praktiki fəaliyyətə cəlb olunacaqlar. Proqram tələbələrin peşəkar kadr kimi formalaşdırılmasına mühüm dəstək, həmçinin gələcək məşğulluq məsələlərinə töhfə verəcək.

Görüşlərdə iştirak edən tələbələrin Proqramda iştirak şərtləri, müraciət forması, seçim prosesi barədə çoxsaylı sualları cavablandırılıb, onlara maarifləndirici materiallar paylanılıb.

Dövlət Vergi Xidmətinin Yay Təcrübə Proqramı barədə aşağıdakı link vasitəsilə ətraflı məlumat əldə etmək olar:

https://www.taxes.gov.az/az/post/1828

VergiFiziki şəxsə məxsus əsas vəsaitlərin balansda uçota alınması VergiAlış aktı olmadan nəqliyyat vasitəsini balansa almaq qanunauyğundurmu? VergiUçotda olmayan malların satışı hansı risklər yaradır? VergiVergi borclarının silinməsindən əldə olunan gəlirlərin vergiyə cəlb edilməsi VergiƏDV ödəyicisi başqa təsərrüfat subyekti üzrə sadələşdirilmiş verginin ödəyicisi ola bilərmi? VergiƏməkhaqqı və kompensasiyalardan vergilər necə hesablanır? Ekspert RəyiHansı hesablaşmalar mütləq olaraq nağdsız qaydada həyata keçirilməlidir? VergiFermerlər vergi hesabatlarını necə verməlidirlər? VergiBeynəlxalq yükdaşıma xidmətinin ƏDV-yə cəlb edilməsi VergiRepetitorların vergi uçotuna alınması və öhdəlikləri necə müəyyən edilir?