Keçən ay xarici ölkələr və beynəlxalq təşkilatların vəsaitləri hesabına əsas kapitala yönəldilmiş vəsaitin 371,4 milyon manatı (95,8 faizi) Birləşmiş Krallıq, ABŞ, Yaponiya, Türkiyə, Norveç, İsveçrə, Malayziya, Rusiya və İran sərmayədarlarına məxsus olub.

Dövlət Statistika Komitəsindən verilən məlumata görə, yanvarda tikinti müəssisələri tərəfindən yerinə yetirilmiş inşaat işlərinin 63,6 faizini tikinti, yenidənqurma və genişləndirmə, 10,5 faizini əsaslı təmir, 6,4 faizini cari təmir, 19,5 faizini isə digər tikinti işləri təşkil edib. Ümumi inşaat işlərinin 89 faizini qeyri-dövlət tikinti müəssisələri yerinə yetirib.