2026-cı ilin yanvar ayında Bakının sənaye sektorunda istehsal olunan malların və göstərilən xidmətlərin həcmi 3,6 milyard manat təşkil edib.

Bakı Şəhər Statistika İdarəsinin məlumatına görə, sənaye məhsulunun 70 faizi mədənçıxarma, 25,1 faizi emal, 3,8 faizi elektrik enerjisi, qaz və buxar istehsalı, bölüşdürülməsi və təchizatı, 1,1 faizi isə su təchizatı, tullantıların təmizlənməsi və emalı sektorlarında istehsal olunub.

Sənayedə qeyri-dövlət sektorunun payı 83,3 faiz olub. İstehsalın ümumi həcmində sənaye məhsulunun payı 86,4 faiz, sənaye xarakterli xidmətlərin göstərilməsi isə 13,6 faiz təşkil edib.

1 fevral 2026-cı il vəziyyətinə sənaye müəssisələrinin anbarlarında 431,8 milyon manatlıq hazır məhsul ehtiyatı olub.