Naxçıvanda güzəştli kreditlərin 93,1 faizi regionların payına düşüb
Naxçıvan Muxtar Respublikasının Sahibkarlığın İnkişafı Fondu güzəştli kreditlərin əhəmiyyətli hissəsini regionların inkişafına xidmət edən layihələrə yönəldib.
Naxçıvan Muxtar Respublikası İqtisadiyyat Nazirliyininin məlumatına görə, cari ilin 7 ayı ərzində Fond tərəfindən maliyyələşdirilmiş güzəştli kreditlərin 93,1 faizi regionların payına düşüb.
Fond tərəfindən 2025-ci ilin 7 ayında maliyyələşdirilmiş 8,2 milyon manat kreditin 9,2 faizini kiçik, 30,0 faizini orta və 60,8 faizini böyük həcmli kreditlər təşkil edib.
