Azərbaycan Standartlaşdırma İnstitutu (AZSTAND) tərəfindən AZS ГОСТ 32995:2025 “Toxuculuq məmulatları. Elektrostatik sahə gərginliyinin ölçülməsi metodu” yeni dövlət standartı qəbul edilib.

İnstitutun məlumatına görə, yeni dövlət standartının qəbulu toxuculuq məmulatlarında elektrostatik sahənin gərginliyinin ölçülməsi metodunu müəyyən etmək və daha yüksək keyfiyyətli məhsulların istehsalı məqsədini daşıyır.

Sözügedən dövlət standartının tətbiqi toxuculuq məmulatlarının istehlakı zamanı statik elektrikdən qorunma, yanğın təhlükəsizliyi, o cümlədən keyfiyyətə nəzarəti təmin etməyə imkan yaradacaq. Yeni standart Standartlaşdırma üzrə Normativ Sənədlərin Dövlət Fonduna daxil edilib.