İqtisadiyyat naziri Mikayıl Cabbarov İsrailin Maliyyə Nazirliyində nazir, Azərbaycan-İsrail Birgə Hökumətlərarası Komissiyasının həmsədri Zeyev Elkin ilə görüşüb.

Videokonfrans formatında keçirilən görüşdə ölkələrimiz arasında iqtisadi əlaqələrin inkişaf etdiyi vurğulanıb. İsraillə həyata keçirilən investisiya layihələrinin hazırkı vəziyyəti, eləcə də müzakirə mərhələsində olan layihələr barədə məlumat verilib. Diqqətə çatdırılıb ki, ticarət, investisiya, innovasiyalar, rəqəmsal inkişaf, ətraf mühit və digər sahələr üzrə tərəfdaşlığın genişləndiilməsi, birgə layihələrin həyata keçirilməsi üçün münbit zəmin var.

Tərəflər qarşılıqlı iqtisadi münasibətlərin perspektivləri, həmçinin Birgə Hökumətlərarası Komissiyanın növbəti iclasının keçirilməsi haqqında müzakirələr aparıblar.

-----

13:15

İsrailin Maliyyə Nazirliyində nazir, Azərbaycan – İsrail Birgə Hökumətlərarası Komissiyasının həmsədri Zeev Elkin ilə videokonfrans formatında keçirdiyimiz görüşdə iqtisadi əməkdaşlıq və Birgə Hökumətlərarası Komissiyanın növbəti iclasının keçirilməsi ilə bağlı gündəlikdə olan məsələləri müzakirə etdik.

Bu haqda iqtisadiyyat naziri Mikayıl Cabbarov məlumat verib.