“AzerGold” QSC tərəfindən Bakıya həsr olunmuş unikal gümüş sikkə istehsal edilib.

QSC-nin məlumatına görə, sikkə numizmatika sahəsində ən müasir istehsal həlli hesab edilən “Smartminting” texnologiyasının üstünlüklərindən faydalanmaqla yüksək keyfiyyətli gümüşdən, 3D formatında ərsəyə gətirilib. İstehsalı prosesində innovativ texnologiya ilə yanaşı, ənənəvi əl işləmələri də tətbiq edilib.

999.9 əyarlı, 2 unsiya çəkiyə malik yeni gümüş sikkə “AzerGold”un satış və mübadilə mərkəzində və onlayn satış platforması - azergold.gift vasitəsi ilə alıcılara təqdim edilir.