Karbon qiymətlərinin tətbiqi ölkədə innovasiyanın inkişafına, “yaşıl enerji”yə keçidin sürətlənməsinə töhfə verir.

Bunu Birləşmiş Krallığın iqlim məsələləri üzrə eksperti Lizzi Koad Bakıda keçirilən Karbon Qiymətləndirmə üzrə Qlobal Forumda deyib.

Onun sözlərinə görə, bəzi ölkələrdə karbon vergisinin əvəzinə karbon kreditləri tətbiq edilir: “Karbon kreditlərinə iqtisadiyyatın daha çox sahələrini cəlb etmək olar. Bu halda daha çox mənfəət əldə etmək mümkündür. Karbon kreditlərinin tətbiqi bəzi ölkələrdə bir sıra məsələlərin həllinə töhfə verə bilər. Çox zaman bir sıra ölkələrdə karbon qiymətləri enerjinin qiymətinə də təsir edir”.

Ekspert hesab edir ki, artıq karbon qiymətləndirməsi bütün dünyada mühüm hadisəyə çevrilib və bunun əhəmiyyətli təsirləri var.