Bu ilin yanvar-fevral aylarında Azərbaycanın Amerika Birləşmiş Ştatları (ABŞ) ilə ticarət dövriyyəsinin ümumi həcmi 60,7 faiz və ya 46,7 milyon ABŞ dolları artaraq 123,8 milyon dolları üstələyib.

"Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, cari ilin ilk iki ayında Azərbaycandan ABŞ-yə 9,1 milyon dollar dəyərində məhsul ixrac edilib ki, bu da 2023-cü ilin eyni göstəricisindən 7,7 dəfə və ya 7,9 milyon dollar çoxdur.

ABŞ-dən Azərbaycana idxal edilən məhsulların dəyəri isə 51,1 faiz və ya 38,7 milyon dollar artaraq 114,6 milyon dollar təşkil edib.

2024-cü ilin yanvar-fevral aylarının nəticələrinə görə, ölkənin ümumi ticarət dövriyyəsində ABŞ ilə ticarətin payı 1,71 faiz təşkil edib ki, bu da bir il öncəki göstəricidən 0,64 faiz bəndi çoxdur.