Bu ilin yanvar ayı ərzində ölkədən 54,6 milyon ABŞ dolları dəyərində 49,6 min tondan çox meyvə-tərəvəz ixrac edilib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, ötən ilin müvafiq ayı ilə müqayisədə ixracın dəyəri 21,2 faiz və ya 9,5 milyon dollar, həcmi isə 21,1 faiz və ya 8,6 min ton artıb.

Cari ilin ilk ayında bu kateqoriyadan olan məhsulların ümumi ixracda xüsusi çəkisi 2,96 faizə, qeyri-neft məhsullarının ixracında isə 24,59 faizə bərabər olub ki, bu da 2023-cü ilin eyni göstəricilərini müvafiq olaraq 0,56 və 8,76 faiz bəndi üstələyir.