Bu ilin yanvar-sentyabr aylarında Azərbaycanın Bolqarıstanla ticarət dövriyyəsinin ümumi həcmi 168 milyon ABŞ dolları və ya 94,5 faiz artaraq 345,9 milyon dolları üstələyib.

"Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, cari ilin ilk 9 ayında Azərbaycandan Bolqarıstana 324,19 milyon dollar dəyərində məhsul ixrac edilib ki, bu da 2022-ci ilin eyni göstəricisindən 2,1 dəfə və ya 173 milyon dollar çoxdur.

Bolqarıstandan Azərbaycana idxal edilən məhsulların dəyəri isə 18,6 faiz və ya 4,96 milyon dollar azalaraq 21,7 milyon dollar təşkil edib.

Cari ilin yanvar-sentyabr aylarının nəticələrinə görə, ölkənin ümumi ticarət dövriyyəsində Bolqarıstanla ticarətin payı 0,88 faiz təşkil edib ki, bu da bir il əvvəlki eyni göstəricidən 0,44 faiz bəndi çoxdur.