Qırğızıstan Nazirlər Kabineti Türk İnvestisiya Fondunun yaradılması haqqında Sazişə dair qərarı təsdiq edib.

"Azərbaycan iqtisadiyyatı" Teleqram kanalı Qırğızıstanın İqtisadiyyat və Ticarət Nazirliyinə istinadən xəbər verir ki, Nazirlər Kabinetinin müvafiq qərarı ilə İqtisadiyyat və Ticarət Nazirliyi Sazişin həyata keçirilməsinə cavabdeh olan səlahiyyətli dövlət orqanı olaraq müəyyən edilib.

Qeyd edək ki, Saziş Türkdilli Dövlətlər Təşkilatına daxil olan ölkələr tərəfindən nizamnamə kapitalı 500 milyon ABŞ dolları təşkil edən Türk İnvestisiya Fondunun yaradılmasını nəzərdə tutur.