İqtisadiyyat Nazirliyi İsrail Dövlətinin Təl-Əviv şəhərində 2023-cü ilin 28-30 noyabr tarixlərində keçiriləcək "Israfood 2023” beynəlxalq qida sərgisində vahid ölkə stendində iştirak üçün ixracatçıların müraciətlərinin qəbulunu elan edir.

Vahid ölkə stendində iştirak edəcək ixracatçıların maksimum sayı 20 şirkətdir.

İştirakçılar müsabiqə əsasında seçiləcək.

Sərginin əhatə etdiyi sahələr (məhsullar) qida və içki sənayesidir.

Müsabiqənin təşkilatçısı İqtisadiyyat Nazirliyi – Azərbaycan Respublikasının İxracın və İnvestisiyaların Təşviqi Agentliyi – AZPROMO-dur.

Müsabiqə Azərbaycan Respublikası Nazirlər Kabinetinin 2018-ci il 31 oktyabr tarixli 470 nömrəli Qərarı ilə təsdiq edilmiş "Dəstək tədbirlərində iştirak edəcək ixracatçıların seçilməsi üçün müsabiqənin təşkili və keçirilmə Qaydası" əsasında 25 sentyabr 2023-cü il tarixində AZPROMO-da təşkil olunacaq.

Ətraflı məlumat ilə AZPROMO-nun saytında tanış olmaq olar:

https://bit.ly/44i7wKM