Bu ilin yanvar-iyul aylarında Azərbaycanın pərakəndə ticarət şəbəkəsində əczaçılıq məhsulları və tibbi ləvazimatlarına istehlakçılar tərəfindən 725,9 milyon manat xərclənib.

“vergiler.az” Dövlət Statistika Komitəsinin hesabatı əsasında apardığı hesablamalarına görə, bu, 2022-ci ilin müvafiq göstəricisi ilə müqayisədə 10,7 faiz və ya 70,2 milyon manat çoxdur.

Bu ilin iyul ayının satışlarının dəyəri isə iyun ayının göstəricisi ilə müqayisədə 10 faiz və ya 11,3 milyon manat azalıb. İyulda ayında pərakəndə ticarət şəbəkəsində 101,3 milyon manat dəyərində əczaçılıq məhsulları satılıb.

Cari ilin ilk yeddi ayında istehlakçıların pərakəndə ticarət şəbəkəsində xərclədiyi vəsaitin 2,3 faizi əczaçılıq məhsullarının alınmasına sərf olunub ki, bu da bir il öncəki göstəricidən 0,1 faiz bəndi azdır.