15 Avqust 2022

VERGİLƏR

SOSİAL-İQTİSADİ ONLAYN QƏZET

Monitorinq və qiymətləndirmə açıq hökumət və yaxşı idarəetmə imkanlarını artırır

Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı Dünya Bankının "Dövlət İdarəçiliyi ilə bağlı Regional Konfrans Səmərəli, Hesabatlı və İnklüziv İnstitutların yaradılması" mövzusunda təşkil etdiyi tədbirdə çıxış edib. Türkiyənin paytaxtı Ankara şəhərində keçirilən tədbirdəki məruzəsində Vüsal Qasımlı bildirib ki, Prezident İlham Əliyevin rəhbərliyi ilə Azərbaycanda monitorinq və qiymətləndirmə institutu strateji idarəetmənin tərkib hissəsi kimi formalaşdırılır: "İqtisadi İslahatların Təhlili və Kommunikasiya Mərkəzi tərəfindən BMT İnkişaf Proqramı, Dünya Bankı və Avropa İttifaqının dəstəyi ilə monitorinq və qiymətləndirmə çərçivəsi və metodologiyası hazırlanıb. Metodologiya çərçivəsində fəaliyyət əsaslı və nəticə əsaslı monitorinq və qiymətləndirmə yanaşmaları işlənilib. Eyni zamanda, beynəlxalq inkişaf partnyorlarının dəstəyi ilə həm İqtisadi İslahatların Təhlili və Kommunikasiya Mərkəzi, həm də monitorinq və qiymətləndirilməsi aparılan qurumlarda bu sahədə bacarıqların artırılması həyata keçirilir. Mərkəz BP şirkətinin dəstəyi ilə monitorinq və qiymətləndirmə üzrə proqram təminatı yaradıb. Artıq monitorinq və qiymətləndirmə rəqəmsallaşdırılıb və beləliklə, daha az resursla daha çox fəaliyyətlər həyata keçirmək mümkündür. İqtisadi İslahatların Təhlili və Kommunikasiya Mərkəzi təkcə dövlətin deyil, həm də beynəlxalq təşkilatların Azərbaycanda həyata keçirdiyi 30-a qədər layihənin monitorinq və qiymətləndirilməsini həyata keçirir. Monitorinq və qiymətləndirmə nəticələrinin kommunikasiyası zamanı, ictimai müzakirə formatı da daxil olmaqla, müxtəlif üsullardan istifadə edilir. Beləliklə, vətəndaş iştirakçılığı təmin olunur və dövlət-özəl dialoqu genişlənir. Eyni zamanda, monitorinq və qiymətləndirmə açıq hökumət və yaxşı idarəetmə imkanlarını artırır, hökumətin fəaliyyətini daha səmərəli, şəffaf və hesabatlı edir. Monitorinq zamanı toplanan informasiya "big data" təşkil edir ki, bu da idarəetmədə innovasiyaların tətbiqi imkanlarını genişləndirir. Azərbaycanda qəbul edilən ortamüddətli xərclər çərçivəsi və büdcə qaydaları ilə birlikdə monitorinq və qiymətləndirmə proqram əsaslı idarəetməni təmin edir. İqtisadi İslahatların Təhlili və Kommunikasiya Mərkəzi monitorinq və qiymətləndirmə çərçivəsində donor koordinasiyasını da həyata keçirir. Hazırda Mərkəzin monitorinq və qiymətləndirmə mexanizmi Dünya Bankının "Transformasiya dəyişikliklərinin qiymətləndirilməsi mükafatı"na namizədlərdən biridir."

V.Qasımlı həmçinin bildirib ki, Azərbaycan monitorinq və qiymətləndirmə sahəsində topladığı təcrübəni digər ölkələrlə bölüşməyə hazırdır.

Oxşar xəbərlər

VergiDəyişiklikdən sonra faiz gəlirlərindən ödəmə mənbəyində vergi necə hesablanacaq? VergiVergi daxilolmaları 73,2 faiz artıb Ekspert Rəyiİşçilərin nahar fasiləsi fərqli vaxtlarda və fərqli müddətlərdə ola bilərmi? VergiQeyri-rezidentin yerli müəssisəyə ödədiyi borc Azərbaycan mənbəyindən əldə olunmuş gəlir hesab edilirmi? VergiMikro sahibkarlıq subyektlərində gəlirin müəyyən edilməsi Ekspert RəyiCari vergiləri hesablayarkən nələrə diqqət yetirilməlidir? Ekspert RəyiVergi mükəlləfiyyətinin dəyişdirilməsi zamanı qarşıya çıxan məsələlər VergiƏsas vəsaitlərin təmirinə çəkilən xərclər hansı qaydada gəlirdən çıxıla bilər? Ekspert RəyiFiziki şəxslərin əməkhaqqından gəlir vergisinin tutulması İqtisadiyyatSahibkarlığa dövlət dəstəyi davam etdirilir