Bu ilin yanvar-aprel aylarında Azərbaycanın Birləşmiş Ərəb Əmirlikləri (BƏƏ) ilə ticarət dövriyyəsinin ümumi həcmi 6 177,77 min ABŞ dolları və ya 34,2 faiz artaraq 24 258,4 min dollar təşkil edib.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, cari ilin ilk dörd ayında Azərbaycandan BƏƏ-yə 15 276,57 min dollar dəyərində məhsul ixrac edilib ki, bu da 2022-ci ilin eyni göstəricisindən 8 810,87 min dollar və ya 2,3 dəfədən çoxdur.

BƏƏ-dən Azərbaycana idxal edilən məhsulların dəyəri isə 22,6 faiz və ya 2 633,1 min dollar azalaraq 8 981,83 min dollar təşkil edib.

Cari ilin ilk dörd ayının nəticələrinə görə, ölkənin ümumi ticarət dövriyyəsində BƏƏ ilə ticarətin payı 0,13 faiz təşkil edib ki, bu da bir il əvvəlki eyni göstəricidən 0,02 faiz bəndi çoxdur.