Bu ilin yanvar-aprel aylarında Azərbaycanın MDB ölkələri ilə ticarət dövriyyəsinin ümumi həcmi 382 566,82 min ABŞ dolları və ya 21,8 faiz artaraq 2 138 483,36 min dollar təşkil edib.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, cari ilin ilk dörd ayında MDB ölkələrindən Azərbaycana 1 657 548,33 min dollar dəyərində məhsul idxal edilib ki, bu da 2022-ci ilin eyni göstəricisindən 536 873,56 min dollar və ya 47,9 faiz çoxdur.

Azərbaycandan MDB ölkələrinə ixrac edilən məhsulların dəyəri isə 24,3 faiz və ya 154 306,74 min dollar azalaraq 480 935,03 min dollar təşkil edib.

Cari ilin ilk dörd ayının nəticələrinə görə, ölkənin ümumi ticarət dövriyyəsində MDB ölkələri ilə ticarətin payı 11,9 faiz təşkil edib ki, bu da bir il əvvəlki eyni göstəricidən 0,9 faiz bəndi çoxdur.