Cari ilin aprel ayı ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən əmlakın qeydiyyatı üzrə 126 texniki sənəd hazırlanıb.

Xidmətdən “vergiler.az”a verilən məlumata görə, vətəndaşlara təqdim edilən texniki sənədlərdən 64-ü fərdi yaşayış evi, 20-si mənzil olmaqla, 84-ü daşınmaz əmlak obyektinin texniki pasportu, 42-si isə torpaq sahəsinin plan-ölçüsü olaraq hazırlanıb.

Əmlaklara dair sənədlərin hazırlanması zamanı 10 bölgü planı, 10 müayinə aktı tərtib edilərək arxiv sənədlərinə əlavə olunub.

Şəhər üzrə daşınmaz əmlakın qiymətləndirilməsi ilə bağlı 5 əmlakın qiymətləndirilməsi icra edilib, qiymətləndirilmələrə dair hesabatlar hazırlanıb. Həmçinin, bələdiyyələrin müraciəti əsasında torpaq sahələrinə dair rəy və plan-sxemlər hazırlanaraq aidiyyəti üzrə təqdim edilib.