Azərbaycan və Serbiya arasında kənd təsərrüfatı sahəsi üzrə işçi qrup yaradılacaq.

Azərbaycan Sahibkarlar Konfederasiyasından (ASK) “vergiler.az”a verilən məlumata görə, bunu Serbiyanın Azərbaycandakı səfiri Draqan Vladisavljeviç ASK-nın prezidenti Məmməd Musayevlə görüşü zamanı deyib.

Səfir ticarət, kənd təsərrüfatı, nəqliyyat, tikinti və turizm sahələrində əməkdaşlıqda maraqlı olduqlarını və bu istiqamətdə ASK-nın dəstəyi ilə özəl sektorlar arasında əlaqələrin qurulmasını təklif edib.

Orta Dəhlizin perspektivi barədə fikirlərini bölüşən səfir bu dəhlizdə iştiraka maraq göstərdiklərini söyləyib. O, Bakıdan Belqrada birbaşa uçuşların açılacağı barədə məlumat verərək, nəticədə turizm sektorunun inkişaf edəcəyini bildirib.