Keniya ilə Azərbaycan arasında turizm sahəsində əməkdaşlıq üçün əhəmiyyətli potensial mövcuddur. Bunu “vergiler.az”a keniyalı iqtisadçı ekspert, Hult Prize Universitetinin əməkdaşı, Yaşıl Dünya Fondunun təsisçisi Con Linus deyib.

“Hər iki ölkə turistləri cəlb edə biləcək unikal və müxtəlif təbiət mənzərələrinə və mədəni irsə malikdir”, - ekspert qeyd edib.

Onun sözlərinə görə, turizmin cəlbediciliyini artırmaq üçün turizmin təşviqi, təcrübə mübadiləsi və birgə marketinq təşəbbüsləri kimi potensial əməkdaşlıq sahələrini araşdırmaq iki ölkə üçün faydalı olardı.
“Təəccüblü deyil ki, Azərbaycanın zəngin tarixi, mədəni və təbii irsi bu gün dünyanın bir çox ölkələrindən milyonlarla turisti cəlb edir. Xəzər dənizi, mülayim iqlim və təbiət ölkədə çimərlik, aktiv və ov turizminin inkişafı üçün əsas təşkil edir”, - o, deyib.

Ekspertin fikrincə, Azərbaycan kimi gözəl təbiəti, təbii sərvətləri olan ölkələrdə turizmin inkişafı qaçılmazdır.

“Azərbaycan və Keniya arasında birbaşa uçuşların təşkili turizm sənayesinin inkişafına da töhfə verə bilər”, - Con Linus deyib.

Tamilla MƏMMƏDOVA