Bu ilin yanvar-mart aylarında Stavropol diyarından Azərbaycana 95 min tondan çox buğda ixrac edilib ki, bu da ümumi tədarükün təxminən 78 faizini təşkil edir.

"vergiler.az" Rusiyanın Baytarlıq və Fitosanitar Nəzarəti üzrə Federal Xidmətinə ("Rosselxoznadzor") istinadən xəbər verir ki, birinci rübdə Stavropoldan ümumilikdə 122 min ton buğda ixrac edilib.

Qeyd edək ki, 2022-ci ildə Stavropol müəssisələri tərəfindən Azərbaycana 219 milyon dollardan çox məhsul ixrac edib. İxracın əsasını aqrar-sənaye kompleksi, yeyinti və emal sənayesi məhsulları təşkil edib.