İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti tərəfindən cari ildə ölkənin taksi xidmətləri üzrə bazar araşdırmaları aparılacaq.

"vergiler.az" xəbər verir ki, bunu Xidmətin baş məsləhətçisi Cəfər Babayev deyib.

Onun sözlərinə görə, araşdırma nəticəsində hər hansı qanun pozuntusu müəyyən olunsa, ona uyğun olaraq tədbirlər görüləcək.

"Bizim müşahidəmiz odur ki, xarici şirkətlər, ucuz qiymətlər tətbiq etmələrinə baxmayaraq, yenə də gəlir əldə edirlər. Azərbaycan şirkətləri isə bunu edə bilmir. Bunun da səbəbi məhz yüksək texnologiyaların tətbiqidir. Bizim şirkətlər yerli bazarda olduğundan yaxşı mütəxəssislər cəlb edə, proqramlarını yeniləyə bilmirlər və s. Nəticədə beynəlxalq şirkətlər təbii olaraq rəqabətli bazarda üstünlük əldə edirlər",- deyə C.Babayev qeyd edib.