2022-ci ildə Azərbaycan mənşəli qeyri-neft məhsullarının ixracı 2 846 482,96 min ABŞ dolları təşkil edib.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, 2021-ci ilin göstəricisindən 13,1 faiz və ya 329 459,16 min dollar çoxdur.

İxracda ən yüksək dəyər meyvə-tərəvəz məhsullarının tədarükündən yaranıb ki, bu məbləğ ötən ilin yekunlarına görə 667 552,12 min dollar (artım 12,5 faiz) təşkil edib.

Alüminium və ondan hazırlanan məmulatların ixrac dəyəri 217 301,12 min dollar olub ki, bu da bir il öncəki göstəricini 7,2 faiz üstələyir.

Üçüncü ən böyük ixracat azot gübrələrinə aiddir. Belə ki, ötən il 209 722,77 min dollar dəyərində (artım 5,6 faiz) məhsul xarici bazarlara çıxarılıb.