Mərkəzi Bankının Ödəniş sistemləri və hesablaşmalar departamentinin böyük mütəxəssisi, Azərbaycan Texniki Universitetinin dosenti Xəyaləddin Tağıyev və Azərbaycan Banklar Assosiasiyasının (ABA) Ödəniş sistemləri və rəqəmsal bankçılıq üzrə Ekspert Qrupunun rəhbəri, “Bank of Baku“ASC-nin Ödəniş sistemləri departamentinin direktor müavini Tamerlan Rüstəmovun “Rəqəmsal ödənişlər və elektron bankçılıq xidmətləri” adlı dərsliyi ingilis dilində nəşr edilib. “Vergiler.az” xəbər verir ki, rəqəmsal ödəniş ekosistemi haqqında nəzəri və praktik bilikləri əks etdirən dərsliyin ingilis dilində nəşr olunması təhsil müəssisələrinin tələbələri ilə yanaşı, yerli və beynəlxalq maliyyə institutlarının təmsilçilərinin də ölkəmizdə formalaşmış rəqəmsal ödəniş ekosistemi və onun xüsusiyyətləri, həyata keçirilən islahatlar və islahatların inkişaf tarixi, tətbiq edilən innovativ ödəniş həlləri və texnologiyaları haqqında zəruri bilik və etibarlı məlumat əldə etməsinə imkan verəcək.

Dərslik ABA, AMFA, “MasterCard Worldwide” beynəlxalq kart təşkilatı və fintex ekosistemində təmsil olunan qabaqcıl maliyyə institutlarının dəstəyi ilə nəşr edilib.