8 İyul 2025

VERGİLƏR

SOSİAL-İQTİSADİ ONLAYN QƏZET

Azərbaycan Çində xidmətlər ticarəti sərgisinə qatılacaq

Azərbaycanın investisiya və xidmətlər ticarəti potensialı Pekində keçiriləcək Çin beynəlxalq xidmət ticarəti sərgisində (China International Fair for Trade in Services - CIFTIS) nümayiş olunacaq.

AZƏRTAC xəbər verir ki, bu, Azərbaycanın Çində keçirilən ən önəmli beynəlxalq sərgilərdən olan CIFTIS-də ardıcıl 4-cü iştirakı olacaq. Ölkəmizin Çindəki Ticarət Nümayəndəliyinin məlumatına əsasən, sərgidə vahid ölkə stendi ilə iştirak edən Azərbaycanın investisiya potensialı ilə yanaşı, keyfiyyətli və rəqabətqabiliyyətli məhsulları da nümayiş etdiriləcək. Bundan başqa, stenddə Ələt Azad İqtisadi Zonası və sənaye parkları haqqında, Azərbaycanda İxracın və İnvestisiyaların Təşviqi Agentliyinin (AZPROMO), İqtisadi Zonaların İnkişafı Agentliyinin (İZİA) və İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin (4SİM) xarici investorlara göstərə biləcəyi xidmətlərə dair məlumat veriləcək. Vahid ölkə stendində Azərbaycan Respublikası Dövlət Neft Şirkətinin (SOCAR) “Daha yaşıl gələcək üçün innovasiya et” mövzusunda guşəsi yaradılıb.

Qeyd edək ki, 2012-ci ildən keçirilən CIFTIS sərgisinin əsas təşkilatçıları Çinin Kommersiya Nazirliyi və Pekin meriyasıdır. Bununla yanaşı, Dünya Ticarət Təşkilatı, BMT-nin Ticarət və İnkişaf üzrə Konfransı, İqtisadi Əməkdaşlıq və İnkişaf Təşkilatı CIFTIS-i daim dəstəkləyən qurumlardır. Oflayn-onlayn rejimində keçirilən sərginin ekspozisiya sahəsi 152 min kvadratmetrdir. Dünyanın ən güclü 500 şirkətindən 446-sı sözügedən sərgidə iştirak edir.

VergiDublyaj fəaliyyətindən əldə edilən gəlirlərə vergi güzəşti tətbiq olunurmu? VergiVergi orqanı obyektin girişində uçotla bağlı məlumatın olmamasına görə sahibkarı cərimə edə bilərmi? VergiXarici ölkə vətəndaşının məcburi dövlət sosial sığorta haqlarına cəlb edilməsi VergiKənd təsərrüfatı məhsullarına görə ödənilən ƏDV məbləğləri necə hesablanır? Vergiİşçinin vəfatı ilə əlaqədar ödənilən müavinətdən vergi tutulurmu? VergiSənaye məhəlləsinin rezidentlərinə hansı vergi güzəştləri tətbiq olunur? VergiZərgərlik məmulatlarının nağd satışına görə cərimə nə qədərdir? VergiKarqo şirkətləri üçün tələblərdə hansı dəyişiklik edilib? Vergiİcarəyə götürülən obyekt üçün kod almaq mümkündürmü? VergiTorpaqların icarəyə verilməsi əməliyyatı ƏDV-yə cəlb olunurmu?