27 İyul 2024

VERGİLƏR

SOSİAL-İQTİSADİ ONLAYN QƏZET

2018-ci ildə artıq ödəmələrin həcmi 20 faiz azalıb

Ötən illərin sahibkarlar üçün problem yaradan təcrübələrindən biri də növbəti illərə aid vergilərin əvvəlcədən toplanması halları olub. 2018-ci ildə bu problemin həlli üçün ciddi addımlar atılıb və artıq ödəmələrin məbləği yarım milyard manata qədər azaldılıb.

Vergilər nazirinin müşaviri Xəqani Abdullayevin bu məsələ ilə bağlı verdiyi açıqlamaya görə, növbəti illərin vergiləri hesabına cari ildə vergilərin yığılması müəyyən problemlərin yaranmasına gətirib çıxarırdı: "2018-ci ildə artıq ödəmələrin həcmi 20 faiz – 500 milyon manat azaldılıb".

Bildirilib ki, vergi orqanları tərəfindən sahibkarların bank və depozit hesablarından vəsaitlərin silinməsi proseduruna bu ildən yenilik edilib: "Məhkəmə qərarını gözləmədən vəsaitin silinməsi səlahiyyəti vergi orqanlarından alınıb. 2019-cu il yanvarın 1-dən inzibati şikayət verilən zaman sahibkarların bank hesabından və ƏDV depozit hesabından vəsaitlərin silinməsi təcrübəsi dayandırılıb. Əvvəllər vergi orqanları məhkəmə qərarlarını gözləmədən borca görə sahibkarın hesablarındakı vəsaitləri borclara yönəltmək salahiyyətinə malik idi. Artıq bu məsələ aradan qaldırılıb və sahibkarların bununla bağlı haqlı narazılıqları aradan götürülüb".

X.Abdullayev qeyd edib ki, "kölgə iqtisadiyyatı"na yol açan amillərdən biri də əməkhaqqı və sosial sığorta yükünün yüksək olması idi. Vergi Məcəlləsinə edilmiş son dəyişiklik və əlavələrdə diqqət mərkəzində saxlanılan məsələlərdən biri də budur: "Əminik ki, bu islahatın tətbiqi iş yerlərinin və əməkhaqqının leqallaşdırılmasını təmin edəcək. Bunda, ilk növbədə, işçilərin özləri maraqlıdır. Çünki əmək bazarında qeyri-rəsmi çalışan və ya əməkhaqqı tam rəsmiləşdirilməyən işçilər bir qayda olaraq sosial sığorta və pensiya sistemindən kənarda qalır, onların gələcək pensiya hüquqları pozulmuş olur. Əminik ki, həyata keçirilən vergi islahatları nəticəsində özəl sektorda çalışan yüz minlərlə işçinin pensiya hüquqları bərpa olunacaq".

Elxan SALAHOV

VergiSığorta məbləğinin gəlirdən çıxılması VergiMəcburi dövlət sosial sığorta haqları üzrə borcların silinməsi VergiSadələşdirilmiş verginin ödəyicilərinə vergi güzəşti VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır?