20 Oktyabr 2020

VERGİLƏR

SOSİAL-İQTİSADİ ONLAYN QƏZET

Yerli vergilərin yığılmasına icra hakimiyyətləri dəstək göstərəcək

"Bələdiyyələrin statusu haqqında" Qanuna dəyişikliklərlə bağlı layihə Milli Məclisin Regional məsələlər komitəsində müzakirəyə çıxarılıb

Komitənin sədri Arif Rəhimzadə layihə barədə məlumat verərək bildirib ki, əsas dəyişikliklərdən biri yerli əhəmiyyətli vergilərin yığılmasına bələdiyyə orqanlarına kömək göstərilməsini nəzərdə tutur. Qanuna təklif edilən 49.1-ci maddədə qeyd edilir ki, müvafiq icra hakimiyyəti orqanı bələdiyyələrin fəaliyyətinin təşkil olunmasına kömək edir və onlara yerli özünüidarəetmə fəaliyyətinin qanunauyğun həyata keçirilməsi sahəsində metodoloji yardım göstərilməsi üzrə tədbirlər görür.

Qanuna təklif edilən 10.1-ci maddədə bildirilir ki, müvafiq icra hakimiyyəti orqanı bələdiyyə üzvləri və qulluqçularının peşəkarlıq səviyyəsinin artırılması məqsədilə xarici dövlətlərin yerli özünüidarəetmə orqanları, onların assosiasiyaları və ixtisaslaşdırılmış təşkilatları ilə təcrübə mübadiləsini təşkil edir.