Gürcüstanın və Azərbaycanın başqa dövlət qurumları kimi, Dövlət Vergi xidmətləri arasında da sıx əməkdaşlıq mövcuddur. Biz vergi gəlirlərinin idarə olunması, vergilərin tətbiqi və digər məsələlərdə səmərəli təcrübə və fikir mübadiləsi həyata keçiririk.

Bu sözləri AZƏRTAC-a müsahibəsində Gürcüstan Maliyyə Nazirliyinin Vergi Gəlirləri Xidmətinin rəisi Levan Kakava söyləyib.

Onun sözlərinə görə, Azərbaycanın və Gürcüstanın vergi xidmətləri beynəlxalq təşkilatlar daxilində də səmərəli əməkdaşlıq edirlər.

“Azərbaycan Respublikasının İqtisadiyyat Nazirliyi yanında Dövlət Vergi Xidmətinin rəhbərliyi ilə geniş nümayəndə heyətinin Avropadaxili Vergi Administrasiyaları Təşkilatının (IOTA) Tbilisidə keçirilən 27-ci Baş Assambleyasında iştirakı bunu bir daha sübut edir. Biz həm ikitərəfli qaydada, həm də beynəlxalq təşkilatlar daxilində bir-birimizlə təcrübə mübadiləsi edirik”, – deyə Levan Kakava vurğulayıb.