12 Avqust 2020

VERGİLƏR

SOSİAL-İQTİSADİ ONLAYN QƏZET

İqtisadçı-ekspertlərlə görüş

Noyabrın 21-də Vergilər Nazirliyində iqtisadçı-ekspertlərlə görüş keçirilib.

Görüşün məqsədi cəmiyyətə, o cümlədən vergi ödəyicilərinə məlumatların tam, dəqiq və dolğun çatdırılması, yaranacaq sualların vaxtında və hərtərəfli cavablandırılması, izahat işlərinin düzgün istiqamətdə qurulması üçün kütləvi informasiya vasitələrinin mütəmadi müraсiət etdiyi iqtisadçı-ekspertlərin mövzu barədə ətraflı məlumatlandırılması, onların sual və təkliflərinin dinlənilməsindən ibarət olub.

Vergilər nazirinin 1-ci müavini Sahir Məmmədxanovun iştirak etdiyi görüşdə Vergilər Nazirliyi tərəfindən vergi sahəsində aparılan islahatlar, Vergi Məcəlləsinə təklif edilən dəyişikliklərin əsas istiqamətləri müzakirə edilib. Tədbirdə nazirliyin rəhbər vəzifəli şəxslərinin vergi qanunvericiliyinə təklif olunan əlavə və dəyişikliklərlə bağlı təqdimatları dinlənilib, ekspertlərin sualları cavablandırılıb, səsləndirdikləri təkliflər qeydə alınıb.