"Azerconnect" şirkəti mobil həllərə sərmayə yatırmağa davam edir. Bunu şirkətin baş direktoru Emil Məsimov “İnklüziv və davamlı inkişaf üçün vergi islahatları: rəqəmsal transformasiya ilə könüllü əməletməyə doğru” mövzusunda keçirilmiş forumdakı çıxışında deyib. Bildirib ki, şirkətin qurduğu şəbəkələr nəticəsində ölkədə dayanıqlı internetin əlçatanlığı təmin olunub.

“Vergi inzibatçılığının rəqəmsallaşmasında, vergi ödəyiciləri ilə Dövlət Vergi Xidməti arasında əlaqələrin qurulmasında internetin və həllərin keyfiyyəti əvəzsiz rol oynayır. İKT sahəsində fəaliyyət göstərən şirkət olaraq biz də bu sahədə məsuliyyətimizi dərk edirik”, - E.Məsimov qeyd edib.

Vergi inzibatçılığı baxımından vergi ödəyicilərinin fəaliyyətinə nəzarət üçün daha yaxşı texnoloji imkanlar yaranacağına əminliyini ifadə edən E.Məsimov təmsil etdiyi şirkətlə Dövlət Vergi Xidmətinin əməkdaşılığının bəlli bir tarixçəyə söykəndiyi, “ASAN imza”nın mobil nömrələr üzərindən istifadə olunduğunu, vergi ödəyicilərinin SMS məlumatlandırılmasının mobil şəbəkələr vasitəsilə həyata keçirildyini xatırladıb: “Yeni şəbəkələr və texnologiyalar sahəsində, vergi ödəyiciləri, vətəndşalar üçün yeni texniki imkanların yaradılması sahəsində intensiv fəaliyyətimizi davam etdiririk. Dövlət Vergi Xidməti ilə əlaqələri daha da dərinləşdirmək üçün bir neçə layihə həyata keçiririk. Daxili İşlər Nazirliyi ilə birlikdə mobil rabitə və intermet istifadəçilərinin biometrik səviyyədə identifikasiyasını mümkün edəcək həllər üzərində çalışırıq”.