ƏDV-nin əvəzləşdirilməsi
Müəssisə dövlət büdcəsindən ayrılmış vəsait hesabına tikinti layihəsini icra edir və səhmlərinin nəzarət zərfi 100 faiz dövlətə məxsusdur. Bu zaman alınmış mallara görə ödənilmiş ƏDV əvəzləşdirilə bilərmi?
Vergi Məcəlləsinin 1 yanvar 2019-cu il tarixdən qüvvəyə minmiş müddəalarına əsasən, dövlət büdcəsindən ayrılmış vəsaitlər (subsidiya və geri qaytarılmalı vəsaitlər istisna olmaqla) hesabına mallar (işlər, xidmətlər) alınarkən, ödənilmiş ƏDV-nin məbləği əvəzləşdirilmir.
Qeyd olunanlara əsasən, dövlət büdcəsindən ayrılmış vəsait hesabına yerinə yetirilən tikinti işlərinə görə digər şəxslərdən malların (işlərin, xidmətlərin) alınmasına görə ödənilmiş ƏDV-nin məbləği əvəzləşdirilmir.
Əsas: Vergi Məcəlləsi, 175.6-cı maddə
