27 İyul 2024

VERGİLƏR

SOSİAL-İQTİSADİ ONLAYN QƏZET

Film istehsalı ilə məşğul olan sahibkarlara nə qədər vergi güzəşti verilir?

Mövzunu “vergiler.az”a iqtisadçı ekspert Mahmud Abasquliyev şərh edir.

Vergi Məcəlləsinə 1 yanvar 2024-cü ildən daxil edilən 106.1.33-cü maddəyə əsasən, qanunla müəyyən olunmuş qaydada Azərbaycan Respublikasında qeydiyyatdan keçən və filmin istehsalını, habelə dublyajını həyata keçirən, mikro sahibkarlıq subyekti olmayan kinematoqrafiya müəssisəsinin sahibkarlıq fəaliyyətindən əldə etdikləri mənfəətin 75 faizi 2024-cü il yanvarın 1-dən 3 il müddətinə vergidən azad olunub.

Misal: Hesab edək ki, “BX” MMC 2024-cü ilin aprel ayında vizyona “Qarabağ Fatehi” adlı film istehsal edərək buraxıb. Həmin filmdən əldə edilən gəlir 1.700.000 manat olub. Gəlirin əldə edilməsi ilə bağlı xərclər isə 1.300.000 manat təşkil edib.

Vergiyə cəlb olunan mənfəət : 1.700.000 – 1.300.000 = 400.000 manat;

Güzəşt nəzərə alındıqdan sonra vergiyə cəlb olunan mənfəət:

400.000 – (400.000 x 75%) = 100.000 manat;

Mənfəət vergsi: 100.000 x 20% = 20.000 manat;

Bir məqamı da qeyd edək ki, Vergi Məcəlləsinin 106.1.33-cü maddəsi üzrə verilən güzəşt mikro sahibkarlıq subyekti olmayan vergi ödəyicilərinə şamil edilir. Yəni, güzəştdən yararlanmaq üçün vergi ödəyiciləri kiçik, orta və iri sahibkarlıq subyekti olmalıdır.

VergiSığorta məbləğinin gəlirdən çıxılması VergiMəcburi dövlət sosial sığorta haqları üzrə borcların silinməsi VergiSadələşdirilmiş verginin ödəyicilərinə vergi güzəşti VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır?