Prezident İlham Əliyev mayın 29-da Bakı Sərgi Mərkəzində XXVI Beynəlxalq "Xəzər Neft və Qaz-2019" sərgi və konfransının, həmçinin IX Xəzər Beynəlxalq energetika və alternativ enerji sərgisinin açılışında iştirak edib.

AZƏRTAC xəbər verir ki, Böyük Britaniyanın "ITE Group Plc" şirkətinin baş məsləhətçisi Endryu Vud sərgi-konfransın 26-cı ildönümünü nailiyyətlərlə qeyd etdiyini, Azərbaycana hər gəlişində burada müsbət dəyişikliklərlə qarşılaşdığını bildirib, sərginin işinə uğurlar arzulayıb.

Dövlətimizin başçısı açılış mərasimində nitq söyləyib. Sonra Prezident İlham Əliyev sərgi ilə tanış olub, sərgi və konfransın xatirə kitabını imzalayıb.