19 Avqust 2022

VERGİLƏR

SOSİAL-İQTİSADİ ONLAYN QƏZET

KOBİA sahibkarları sənaye parkları və məhəllələrinin imkanlarından daha geniş istifadə etməyə çağırır

Kiçik və Orta Biznesin İnkişafı Agentliyi (KOBİA) sahibkarları, xüsusilə də kiçik və orta biznes subyektlərini Mingəçevir Sənaye Parkı və Sabirabad Sənaye Məhəlləsində yaradılmış əlverişli imkanlardan yararlanmağa dəvət edir.

KOBİA-dan bildirilib ki, Mingəçevir və Sabirabad rayonlarında fəaliyyət göstərən sahibkarlar, eləcə də bu rayonlarda öz biznesini qurmaq istəyən potensial sahibkarlar sənaye parkında və məhəlləsində yaradılmış müasir infrastrukturdan və güzəştlərdən istifadə edərək burada öz biznesini qura və ya mövcud sahibkarlıq fəaliyyətini daha da genişləndirə bilər.

Yüngül sənaye üzrə ixtisaslaşmış Mingəçevir Sənaye Parkı sahibkarlar üçün müasir infrastrukur, vergi və gömrük güzəştləri, əlverişli logistika imkanları təklif edir. Mingəçevir Sənaye Parkı dövlət tərəfindən müasir infrastruktur, o cümlədən elektrik enerjisi, təbii qaz, su, daxili avtomobil yolları və fiberoptik kabel xətti ilə təchiz edilib. Bu, sahibkarlara qeyd edilən məqsədlər üçün ayıracağı vəsaiti biznesin inkişafına yönəltməyə imkan verir. Sənaye parkının rezidenti olan sahibkarlar qeydiyyata alındıqları tarixdən 10 il müddətinə mənfəət, əmlak və torpaq vergilərindən, idxal olunan texnika, texnoloji avadanlıqlar və qurğulara görə ƏDV-dən azaddır. Bundan başqa, sənaye parkının rezidentləri idxal olunan texnika, texnoloji avadanlıqlar və qurğulara görə 7 il müddətinə gömrük rüsumlarından azad olunurlar. Kiçik sahibkarlıq subyektlərinin Sabirabad Sənaye Məhəlləsində istehsal, emal və iqtisadiyyatın digər sahələri üzrə sahibkarlıq fəaliyyəti ilə məşğul olması üçün əlverişli şərait yaradılıb. Sabirabad Sənaye Məhəlləsi kiçik sahibkarlıq subyektlərinə elektrik enerjisi, təbii qaz, su, daxili avtomobil yolları və fiberoptik kabel xətti ilə təchiz edilmiş müxtəlif istehsal obyektlərindən ibarət müasir infrastruktur təklif edir.

Sahibkarlar Mingəçevir Sənaye Parkı və Sabirabad Sənaye Məhəlləsi, eləcə də ölkədə fəaliyyət göstərən digər sənaye parkları və məhəllələri ilə bağlı ətraflı məlumatı KOBİA-nın “www.smb.gov.az” saytından, eləcə də sənaye parkları və məhəllələrinin idarəedici təşkilatlarının internet səhifələrindən (www.scip.az”, “www.aic.az” və “www.tamizshahar.az”) əldə edə bilərlər.

Həmçinin sahibkarlar sənaye parkları və məhəllələri ilə bağlı informasiya və əlaqələndirmə xidmətləri üçün KOBİA-nın regional nümayəndələrinə - KOB dostlarına müraciət edə bilər (https://bit.ly/3l7Ymej).

VergiMDB dövlətləri Vergi (maliyyə) tədqiqatları orqanları rəhbərlərinin Koordinasiya Şurasının iclası keçirilib Ekspert RəyiVergi ödəyicisinin təsərrüfat subyekti hesab edilməyən mülkü vergi uçotuna alınmalıdırmı? VergiRezident müəssisə tərəfindən qeyri-rezidentə ödənilən cərimədən vergi tutulurmu? Ekspert RəyiƏmək qabiliyyətinin müvəqqəti itirilməsi və hamiləliyə görə müavinətlər VergiVergidən azad olunan gəlirlərin bəyan edilməməsinə görə maliyyə sanksiyası tətbiq olunurmu? VergiDəyişiklikdən sonra faiz gəlirlərindən ödəmə mənbəyində vergi necə hesablanacaq? VergiVergi daxilolmaları 73,2 faiz artıb Ekspert Rəyiİşçilərin nahar fasiləsi fərqli vaxtlarda və fərqli müddətlərdə ola bilərmi? VergiQeyri-rezidentin yerli müəssisəyə ödədiyi borc Azərbaycan mənbəyindən əldə olunmuş gəlir hesab edilirmi? VergiMikro sahibkarlıq subyektlərində gəlirin müəyyən edilməsi