26 İyun 2022

VERGİLƏR

SOSİAL-İQTİSADİ ONLAYN QƏZET

KOBİA və "Caspian European Club" ilk onlayn "B2G forum" təşkil edib

"Caspian European Club" tərəfindən Kiçik və Orta Biznesin İnkişafı Agentliyinin (KOBİA) sədrinin birinci müavini Natıq Həsənovun iştirakı ilə keçirilmiş ilk onlayn “B2G forum” çərçivəsində COVID-19 pandemiyası dövründə sahibkarların üzləşdikləri problemlər müzakirə olunub.

Klubdan bildirilib ki, N.Həsənov pandemiyadan zərərçəkmiş sahibkarlıq subyektlərinə, o cümlədən kiçik və orta sahibkarlara göstərilən maliyyə dəstəyi, eləcə də nəzərdə tutulan yeni dəstək mexanizmləri barədə məlumat verib, sahibkarların suallarını cavablandırıb.

Forumda çıxış edən "Caspian European Club"un sədri və baş icraçı direktoru Telman Əliyev Prezident İlham Əliyevin xüsusi tapşırıqları əsasında COVID-19 pandemiyası dövründə sahibkarlara maksimum dərəcədə dəstək verən hökumətin iqtisadi blokunun nümayəndələrinin fəal mövqeyini vurğulayıb.

Qeyd edək ki, "Caspian European Club"un hər ay Azərbaycan, Gürcüstan və Qazaxıstanda təşkil etdiyi "B2G forum"ları dövlət və özəl sektor arasında dialoq üçün aparıcı vasitə olmaqla yanaşı, Xəzər-Qara dəniz və Baltik regionu şirkətlərinin top-menecerləri və nümayəndələri ilə beynəlxalq biznes-netvorkinq üçün əlavə imkanlar yaradır. "B2G forum"ları hər həftə onlayn rejimdə keçiriləcək.

İki saat yarım davam edən birinci onlayn "B2G forum"un işində dövlət və özəl şirkətlərin top-menecerləri, bir sıra beynəlxalq təşkilatların və aparıcı kütləvi informasiya vasitələrinin rəhbər və nümayəndələri iştirak ediblər.

Sıralarında 50 ölkədən 5 mindən çox şirkət və təşkilatı birləşdirən "Caspian European Club" 2002-ci ilin iyununda yaradılıb. Klubun əsas məqsədi Azərbaycanda və "Caspian European Club"un fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatında dialoqların stimullaşdırılmasından və onlarda fəal iştirak etməkdən ibarətdir. "Caspian European Club"un mənzil-qərargahı Bakıda yerləşir. Klubun, həmçinin Gürcüstan və Qazaxıstanda rəsmi nümayəndəlikləri, ABŞ, Almaniya, Polşa, Latviya və Çexiyada səlahiyyətli nümayəndələri var.

Oxşar xəbərlər

VergiAmortizasiya ayırmalarının gəlirdən çıxılması İqtisadiyyatBeş ayda Azərbaycanda ümumi daxili məhsul 7,2 faiz artıb İqtisadiyyatYanvar-may aylarında xarici ticarət dövriyyəsi 20 milyard dollardan çox olub Vergiİxrac qeydi ilə satış həyata keçirən şəxslərə hansı tələblər qoyulub? İqtisadiyyatYanvar-may aylarında qeyri-neft məhsullarının ixracı 30,9 faiz artıb Vergi“Biznesə daxilolma” İşçi qrupunun iclası keçirilib İqtisadiyyatAzərbaycanda “İT-Akademiya” fəaliyyətə başlayır İqtisadiyyatDaşkənddə Özbəkistan-Azərbaycan biznes forumu keçirilib İqtisadiyyatMobil telefon cihazları bazarında araşdırmalar davam etdirilir VergiYay Təcrübə Proqramının qrup tapşırıqları mərhələsi keçirilib