29 Mart 2024

VERGİLƏR

SOSİAL-İQTİSADİ ONLAYN QƏZET

TAP İtaliyanı Avropa ölkələri üçün regional qaz qovşağına çevirəcək

Norveçin "Rystad Energy" müstəqil tədqiqat və konsaltinq şirkətinin baş analitiki Svapnil Babele bildirib ki, Transadriatik Boru Kəməri (TAP) İtaliyanın digər qaz ixracatçılarından asılılığını əhəmiyyətli dərəcədə azaldacaq: "Hazırda İtaliya qaz ixracının böyük hissəsini Rusiya, Əlcəzair, Qətər, Liviya və Norveçdən edir. İtaliya öz enerji mənbələrini şaxələndirməyi və Rusiya qazından asılılığını azaltmağı planlaşdırır. 2018-ci ildə ölkə təxminən 23 milyard kubmetr Rusiya qazı idxal edib. 2019-cu ildə də Almaniyadan sonra İtaliya ən böyük qaz alıcılarından biri olaraq qalır. Ötən il İtaliya Liviyadan qaz idxalını artırıb. Ancaq Liviyada davam edən vətəndaş müharibəsi səbəbindən qaz ixracı ilə bağlı qeyri-müəyyənlik mövcuddur, çünki ölkə hər an defolt elan edə bilər. Beləliklə, əlavə qaz tədarükü İtaliyaya enerji tədarükünü sabitləşdirməyə kömək edəcək".

Analitik qeyd edib ki, TAP vasitəsilə Azərbaycan qazı təkcə İtaliyadakı qaz mənbələrini şaxələndirməyəcək, eləcə də enerji təhlükəsizliyini təmin edəcək: "Bu, həmçinin İtaliyanı digər Avropa ölkələri üçün regional qaz qovşağına çevirəcək və İtaliyaya digər tədarükçülərlə qazın daha sərfəli qiymətini müzakirə etmək üçün imkan yaradacaq. Beləliklə, qaz bazarında rəqabətin artmasına gətirib çıxaracaq. TAP vasitəsilə İtaliyaya əlavə 8,8 milyard kubmetr qaz tədarük olunacaq ki, bu isə proqnozlara əsasən Əlcəzairdən 2030-cu il üçün azalacağı gözlənilən qaz idxalını əvəz edəcək. Bu, həmçinin qısamüddətli perspektivdə Rusiyadan da qaz idxalını əvəz edə bilər".

Qeyd edək ki, 4,5 milyard avro dəyəri olan TAP "Cənub Qaz Dəhlizi" layihəsinin bir hissəsidir. Boru kəmərinin uzunluğu 878 kilometrdir, onun 550 kilometri Yunanıstanın, 215 kilometri Albaniyanın, 105 kilometri Adriatik dənizinin dibindən, 8 kilometri isə İtaliyanın ərazisindən keçəcək.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb