Hindistana xam neft və neft məhsullarının ixracında ciddi artım qeydə alınıb
Bu ilin yanvar-sentyabr aylarında Azərbaycandan Hindistana 399,2 milyon ABŞ dolları dəyərində 524,3 min tondan çox xam neft və neft məhsulları ixrac olunub.
Dövlət Gömrük Komitəsinin hesabatına əsasən, bu, 2025-ci ilin müvafiq dövrünün göstəricilərinə nisbətdə dəyər ifadəsində 7,4 dəfə, həcm baxımından isə 4,9 dəfə çoxdur.
Ümumilikdə cari ilin ilk 9 ayında ölkədən 10,1 milyard dollar dəyərində 15,8 milyon tondan çox xam neft məhsulları ixrac edilib. Bu məhsul kateqoriyası üzrə idxalçı ölkələr sırasında Hindistan 4-cü yerdə qərarlaşıb və ixrac həcminin 3,3 faizi bu ölkənin payına düşüb.
