2026-cı ilin fevral ayında Aktau dəniz limanı vasitəsilə Bakı-Tbilisi-Ceyhan (BTC) əsas ixrac boru kəməri istiqamətinə 115 min ton Qazaxıstan nefti yola salınıb. "İnterfax-Qazaxıstan" agentliyinin "KazTransOil" şirkətinə istinadən verdiyi məlumata görə, bu göstərici cari ilin əvvəli ilə müqayisədə müsbət dinamika nümayiş etdirir.

Cari ilin yanvar ayında sözügedən marşrut üzrə 106 min ton neft nəql edilib ki, bu da fevral ayında daşınma həcminin 8,5 faiz artması deməkdir.

Qeyd edək ki, 2025-ci ilin yekunlarına əsasən, Qazaxıstan bu boru kəməri vasitəsilə ümumilikdə 1,2 milyon ton neft ixrac edib.