2025-ci ilin dekabr ayının 31-nə ölkədə fəaliyyətdə olan bankların cəmi aktivləri 57 086,2 milyon manat, cəmi öhdəlikləri 49 743,7 milyon manat, balans kapitalı isə 7 342,5 milyon manat təşkil edib.

Azərbaycan Mərkəzi Bankının hesabatına əsasən, ötən il ərzində bankların cəmi aktivləri 7,7 faiz, cəmi öhdəlikləri 7,2 faiz, balans kapitalı isə 11 faiz artıb.

Ümumilikdə 2025-ci ildə banklar 1 161,6 milyon manat xalis mənfəət, 1 862,0 milyon manat məbləğində əməliyyat mənfəəti əldə ediblər. Hesabat ilində banklar tərəfindən 316,8 milyon manat məbləğində mənfəət vergisi ödənilib.