2025-ci il ərzində ölkəyə 1,428 milyard ABŞ dolları dəyərində 73,6 mindən çox hibrid avtomobil idxal olunub.

Dövlət Gömrük Komitəsinin hesabatına əsasən, bu, 2024-cü ilin göstəricilərini dəyər ifadəsində 2,1 dəfə, say baxımından isə 2,8 dəfə üstələyir.

Hesabat dövründə idxal edilən hibrid avtomobillərin strukturunda HEV (Hybrid Electric Vehicle) tipli avtomobillərin payı 22,9 faiz, PHEV (Plug-in Hybrid Electric Vehicle) tipli avtomobillərin payı isə 77,1 faiz təşkil edib.

2025-ci il ərzində ölkəyə 360,2 milyon dollar dəyərində 16,8 mindən çox HEV avtomobilləri idxal edilib ki, bu da ötən ilin eyni dövrünün göstəricisindən dəyər ifadəsində 6,1 faiz az, say baxımından isə 6,7 faiz çoxdur. Bununla yanaşı, 1,067 milyard dollarlıq 56,8 minə yaxın PHEV tipli avtomobillər idxal edilib. Bu, 2024-cü ilin göstəricilərini müvafiq olaraq 3,6 və 5,5 dəfə üstələyir.

Ümumilikdə 2025-ci il ərzində ölkəyə 2,386 milyard dollar (+29,4 faiz) dəyərində 123,3 mindən (+34,3 faiz) çox nəqliyyat vasitəsi idxal edilib. Hesabat dövründə avtomobil idxalının strukturunda hibrid avtomobillərin payı 59,7 faiz təşkil edib ki, bu da bir il öncəki göstəricidən 31,2 faiz bəndi çoxdur.