2025-ci ildə ölkə üzrə pərakəndə elektron ticarət dövriyyəsi 284,9 milyon manat təşkil edib.

Dövlət Statistika Komitəsinin hesabatına əsasən, bu, ötən ilin müvafiq dövrünün göstəricisinə nisbətdə real ifadədə 72 faiz çoxdur.

Qeyd edək ki, hesabat ilində qeyri-dövlət sektorunda fəaliyyət göstərən təsərrüfat subyektləri tərəfindən pərakəndə ticarət şəbəkəsində satılan malların dəyəri 2024-cü illə müqayisədə 3,8 faiz artaraq 67 475,9 milyon manata bərabər olub ki, onun da 0,42 faizi informasiya sistemlərindən (internet, ekstranet və s.) istifadə edilməklə malların alqı-satqısı üzrə həyata keçirilən fəaliyyət sayəsində formalaşıb.