Bu ilin yanvar-sentyabr aylarında Milli Ödəniş Sistemləri (AZİPS, XÖHKS, AÖS) vasitəsilə aparılan tranzaksiyaların ümumi həcmi 590,1 milyard manatı, sayı isə 111,7 milyonu ötüb.

Azərbaycan Mərkəzi Bankının hesabatına əsasən, ötən ilin eyni dövrünə nisbətdə aparılan əməliyyatların sayı 9,4 faiz azalıb, həcmi isə 9,4 faiz artıb.

Cari ilin ilk 9 ayında AZİPS vasitəsilə 1,66 milyon əməliyyat üzrə 549,7 milyard manat, XÖHKS vasitəsilə 106 milyon əməliyyat üzrə 38,8 milyard manat, AÖS ilə isə 4 milyon əməliyyat üzrə 1,53 milyard manat həcmində ödəniş həyata keçirilib.