KOB-ların ISO standartlarına uyğun fəaliyyətinin təşviqi, bu sahədə institusional dəstəyin gücləndirilməsi və KOB-ların beynəlxalq keyfiyyət standartlarına inteqrasiyasına dəstək üçün yeni əməkdaşlıq çərçivəsi formalaşdırılıb.

Bu məqsədlə Kiçik və Orta Biznesin İnkişafı Agentliyi (KOBİA) və “Sage Solutions” MMC arasında əməkdaşlığa dair Anlaşma Memorandumu imzalanıb.

Sənədi KOBİA-nın İdarə Heyətinin sədri Orxan Məmmədov və şirkətin direktoru Fikrət Məmmədov imzalayıblar.

Memorandum sahibkarlıq subyektləri üçün güzəştli şərtlər əsasında ISO standartları üzrə sertifikatlaşdırma ilə bağlı məsləhət xidmətləri, sertifikatlaşdırma auditinin təşkili və sözügedən standartların tələblərinə uyğunluğun təmin edilməsində birgə fəaliyyətin təşkilini nəzərdə tutur.