Böyük Britaniyaya xam neft məhsullarının ixracı kəskin artıb
Bu ilin yanvar-aprel aylarında Azərbaycandan Böyük Britaniyaya 137,3 milyon ABŞ dolları dəyərində 243,9 min tondan çox bitumlu süxurlardan alınan xam neft və xam neft məhsulları ixrac olunub.
Dövlət Gömrük Komitəsinin hesabatına əsasən, bu, 2024-cü ilin müvafiq göstəricilərini dəyər ifadəsində 12,5 dəfə və ya 126,3 milyon dollar, həcm baxımından isə 11,8 dəfə və ya 223,3 min ton üstələyir.
Cari ilin ilk 4 ayı ərzində ölkədən ümumilikdə 4,56 milyard dollar dəyərində 8,2 milyon tondan çox xam neft məhsulları ixrac edilib. Bu məhsul kateqoriyası üzrə idxalçı ölkələr sırasında Böyük Britaniya 7-ci yerdə qərarlaşıb və ixrac həcminin təqribən 3 faizi bu ölkənin payına düşüb.
